Kawl cozah nih cun Sagaing ramt’hen Nan Yun myone chung vialte ah cun Khrihfa mi hna nih nan mah duh paoh in nan duh nak hmun ah Biakinn sak le Thlacam nak inn hna cu nan sak awk a si ti lai lo.cun, nan duh nak paoh ah inn sak le nan mah biaknak he a pehtlai in i pumhkhomh nak thil hna cu pakhat hmanh nan tuah awk a si ti lai lo tiah june 21 ah khan theihternak le thawngzamhnak an tuah tiah theih a si. Sanggaing Township office nih mah bantuk Ca a chuah mi hi a cozah nih an mah kawl biaknak a karh khawh nak hnga caah an tuah mithil a si tiah an chim fawn.
Khrihfa Biaknak konghe pehtlai in Sanggaing Township office nih hi tibantuk in Ca a chuah mi lak ah hin an chim ningah cun Khrihfa Biaknak he a pehtlai mithil Biakinn, thlacamnak inn, hmun khat ah Pathian thangt’hat, Pathiang konghe pehtlai in cawn piak nak, Ca cawn nak Sianginn pin ah a hleihluat inn sak lo ding etc..tibantuk tampi a tel.cun hmun dangdang ah va kal in thlacamnak tuah lo ding tiah a lam kip in Khrihfa pawl hna lam phih an timh hna tiah theih a si.
Sagaing ramt’hen Nan Yun myone chung hi Naga miphun khrihfa an tam nak hmun a si i Kawl cozah nih mah bantuk thil a tuah mi ruangah zei thil dah a cang te lai ti cu theih a si rihlo.Pathian thangt’hat nak konghe pehtlai in Khrihfa mi hna nih thil pakhat khat tuah an i timh a si ah cun a cozah sin ah nawl patnak an tuah ta lai i,a cozah nih tuah khawh nak nawl a pek hna hnu lawng ah Pathian cu a thang t’hat kho dingmi dirhmun an phan cang.
Naga Ca cawng lio mi hna le an Mino hruaitu hna nih ruahnak cheutu dingah an lak mi an Adviser Nan Yun nih a chim ningah cun a cozah nih mah bantuk thil a tuahmi cu Khrihfa mi hna hrem duh le velh duh ruangah an tuah mithil a lo.asinain an Ca chuah mi bantuk in Khrihfa mi hna nih dai tein kan um ko ah cun zei hmanh a poinak cu a um hnga lo.amah belte dai tein um awk a t’hat lai lo caah ni khat khat cu buaibai nak a chuak te ko lai tiah a chim.
Credit: Free
