Kan rak chim cia bang khan UN le American ram biachahnak ruangah Kawl cozah nih cun Bangladesh ram chungah ralzam sinak in khua a sa cuahmah mi Rohingya miphun pawl hna cu ton biaruah nak a ngeih pi taktak cang hna.hi konghe pehtlai in Bangladesh foreign ministry director general Md Delwar Hossain nih a chim ningah cun Kawl cozah official pawl hna minung 10 hna nih cun Bangladesh ram chung um Rohingya ralzam pawl hna cu biatak tein Kawl ram lei ah kir dingin an sawm hna tiah an chim.
Kawl cozah nih Rohingya ralzam hna sin ah a thlah mi hna hi cu hlan ah cun minung 10 lawng an si lai tiah a rak chim.asinain an va kal taktak tik ah cun kawl cozah lei in Palai a kal kho mi hna hi an dih lak ah minung 15 bak an si t’han.cu pin ah Myanmar foreign ministry permanent secretary Myint Thu zong a tel kho tiah an chim.
Cun, Myanmar foreign ministry permanent secretary Myint Thu nih cun Bangladesh ram um Rohingya ralzam hna lak ah an hruaitu pawl hna cu suimilam 4 chung renglo bak ton biaruahnak an ngeihpi hna.asinain Rohingya ralzam pawl hna nih cun Kawl ram ah kir in um hmun va khuar t’han dingah cun kan caah a him hrimhrim lo tiah biatak tein an rak leh rih peng hna tiah an chim.
Kawi cozah nih Bangladesh ram um Rohingya ralzam hna sin ah kal a rak i timh nak konglam
Kawl cozah ralkap pawl hna nih kum zei maw zat chung an tuk an den mi hna Rohingya miphun pawl hna cu zei dah an t’htto ning a lawh tiah Kawl cozah official pawl hna nih va zoh an timh hna tiah theih a si.Kawl cozah nih hi thil tuah a timh nak hi a cozah ralkap pawl hna nih Rohingya cungah kut an thlak mi le an tukden mi hna ruangah American ram nih dantat dingin biachahnak a tuah.cu hnu ah UN nih kawl cozah ralkap hna cungah dantat nak menmen lawng pek cu zei hmanh a si lo caah hi nak fak tem inn nak le an cawlcangh khawh ti lo ding bak in dantat nak tuah piak t’han an si lai tiah a chim.
American ram le UN nih cu ti bantuk in biachahnak an tuah hnu ah Kawl cozah official pawl hna nih cun an cozah ralkap pawl hna tuah sernak ruangah Rohingya minung 7,40,000 renglo hna nih an ram le inn lo chuah tak in Bangladesh ram ah ralzam sinak in khua an sak nak hmun Cox Bazar,Rohingya camp ah cun va kal i an sining fiante in va zoh an itim tiah Myanmar foreign affairs permanent secretary nih a chim.
Cun, Bangladesh refugee relief, commissioner Mohammad Abul Kalam nih a chim ningah cun Kawl cozah official pawl hna nih an va ton dingmi hna hi Rohingya ralzam lawng an si lai lo.kawl cozah ralkap ruangah a ralzam sinak in Bangladesh ram ah a um cuahmah mi hna Khrihfa mi minung 250 hna zong an itel chih tiah a chim fawn.
Kawl cozah nih Bangladesh ram ah khuasami Rohingya Muslim ralzam pawl hna le Khrihfa ralzam pawl hna va zoh dingah a thim mi hna hi an dih lak in a cozah official minung 10 an si.july 27.2019 zaan Rohingya Muslim pawl hna um nak ah cun an phan lai tiah an chim.Myanmar social welfare minister Win Myat Ayele a hnu zultu pawl hna nih cun Cox Bazar ah a um mi Rohingya Muslim camp cu April thla chungah khan voi khat an rak zoh ve bal cang.
Source: Vanglaini
