Kawl Cozah Ralkap Le AA Pawl Hna An I Kah Nak Hmun Ah A Thli Tein Helicopter An Tum Lio An Hmuh

Kawl cozah ralkap tatmadaw le AA hriam tlai pawl hna biatak tein an i kah nak hmun ah Sep 6.2019 ah a thli tein Helicopter a tum lio hmuh a si.hi tibantuk in Helicopter a tum nak hmun hi Tatmadaw ralkap le AA pawl hna an i kah nak hmun Rakhine ram kulh a si mi Cutitawng pengtlang,Sintawng khua pawng teah a si.

 

Sintawng khuami hna nih an chim ningah cun Helicopter a rak tum hi Sep 6.2019 zinglei suimilam 10 hrawngah a si i,a tum nak hmun ah hin suimilam 1 tluk hrawng cu a dinta,cu hnu ah a kir t’han tiah an chim.cun, hi Helicopter a rak t’um ah hin a chungah ralkap hriamnam kengmi mi zei hmanh kan hmuh hraw hna lo.kan ruah nak ah cun ralkap an um lai i hriamnam he an rak chuak rua lai tiah kan ruah hna nain mi zei hmanh an um lo tiah an chim.

 

 

Cu hnu ah Helicopter cu Yatih khua lei panh in a zuang t’han tiah an chim.Helicopter a rak t’um nak hmun cu zarhfa ti’n in kawl cozah ralkap le AA hriam tlai pawl hna an i kah nak hmunpi a si.Helicopter a rak t’um ah hin minung pakhat te lawng cu tangah a t’um i tlawmpal ah Helicopter chungah a lut t’han zei set dah a tuah ti mi belte theih khawh a si lo.

Hi konghe pehtlai in Nitlaklei ralbawi Buhmu Kyi Win Zaw Oo nih cun zei thil kong hmanh kan thei lo.Sintawng khua le Tapisit khua karlak ah Helicopter a t’um an ti mi zong zei hmanh kan thei lo.Helicopter cu zei dah a rak tuah ti zong kan thei lo.tuchun ah zei thil hmanh a cang fawn lo.mizeita a si zong kan thei lo.a mah belte cu thil sining dothlat khawh kan i zuam lai tiah a chim.

Credit: chinfuture

Author: Salai Ephraim