Kawl Cozah Ralkap Nih A Chim Mi Cu Tlangcung Mi Hna Nih Remdaihnak Taktak Ser An Duhlo

Kawl cozah nih a chim mi cu Tlangcung hriamtlai pawl hna AA, MNDAA, TNLA pawl hna nih hin remdaihnak taktak tuah an duh lo.cun, hi hriamtlai pawl hna hi kawlram chungah miphun ci a mihter tu le ritnaksi (thilt’ha lo) a karhter tu an si tiah August 17 ah khan kawl cozah ralkap nih mipi sin ah theihternak an tuah tiah theih a si.

 

August 15 zingah khan Pyin Oo Lwin i Defense Services Technological Academy sianginn,ritnaksi check nak le Nawng Hkio peng Kokdwin hlei telh chih in hmun 5 bak an kah i,hi hriamtlai buthum hna cu a kawl cozah ralkap hna nih ralhrang ah a cohlan hna ti mi kong zong an chim.cu pin ah hi hriamtlai pathum hna nih hi tibantuk in hmun 5 an kah nak a ruang hi zei dang thil ruangah si lo in ritnaksi an tuahmi ruangah a si tiah kawl ralkap nih an chim.

 

Cun, hi tibantuk in kawl cozah ralkap hmun 5 kah an si nak a ruang pakhat cu July 25-28 karlak ah khan kawl cozah ralkap hna nih Kuatkhaing peng chungah a um mi Sioh Haw khua in nichuahlei meter 3000 tluk a hlatnak hmun tiva a ton nak hmun ah tlangcung hriamtlai pawl hna nih ritnaksi an tuah nak hmun hna cu an rawh piak dih hna.cu hmun ah cun ritnaksi an tuah nak 16 billion renglo man zong an rawh piak dih hna tiah theih a si.

 

Cun, thil dangdang an tleih mi le an lak mi hna a tam pi.cu chungah cun Acid dur kalan 50 pin ah acid thir bantuk a pipa ngaingai mi palang 5280 renglo an tleih.cun, washing soda(a phut)90 renglo an tleih pin ah rinaksi an tuah nak hmun thlamte 1220 an tleih.cun, ritnaksi an tuah nak caah a herh mi GAS dur 1144 an tleih fawnan tleih mi thil hna hi tampi a um.cu ruangah kawl cozah ralkap nih a chim mi cu AA, MNDAA, TNLA pawl hna nih remdaihnak tuah an duh lo an thil tuah mi hna hi chim cawk a si lo.cu ruangah hi tibantuk in ral kan thawh nak hi a si tiah a cozah ralkap lei in an chim.

Credit: Free