Kawl Cozah Ralkap Nih Paletwa Mipi Zawnruahnak Neilo Bak In Hriamnam Tihnung A Hman Cuahmah

AA hriamnam tlai pawl hna le kawl cozah ralkap pawl hna cu May 26 in Paletwa ramkulh chungah biatak tein kah hram an i thawk cang.cun kawl cozah ralkap hna nih Paletwa mipi hna um nak ah an hriamnam t’ihnung cu an hman chih peng ruangah Paletwa mipi hna um tu awk theihlo bak in an tuah hna tiah an chim.hi ruangah kawl cozah ralkap kuanfuang in Paletwa minung pahnih hna cu fak lak in hliamhma an tuar tiah an chim.

 

Hi hliamhma a tuar mi hna chungin minung pakhat deuh cu a nung zumh a si lo i an pahnih in Paletwa sizung ah zohkhenh cuahmah an si tiah khuami pawl hna nih an chim.cun kawl cozah ralkap pawl hna nih minung 289 renglo an si i Paletwa ram chungah AA hriamtlai pawl an um lai tiah an zumh nak hmun paoh cu May 25 in 26 tiang kha,an hriamnam t’ihnung bomb kah nak hmang in Paletwa ramkulh chungah voi 8 bak an kah tiah an chim.

 

Cun tuzing ah voi 4 bak an kah t’han rih.cun kawl ralkap pawl hna nih cun Paletwa ramkulh chungah a tu bantuk in bomb kan kah mi hi duhthim kho si usih law cu Paletwa mipi hna um nak hmun ah a tu bantuk in hrimnam cu kan hmang hnga lo.asinain a tu ah cun Paletwa ramkulh chungah AA pawl hna cu hmun kip ah an um cang caah kah lo awk a t’ha lo tiah an chim.

 

Paletwa ram mi hna nih an chim ningah cun kawl cozah ralkap pawl hna nih hin AA pawl hna an um nak cu an theih tuk ko na in an fuh ngam hna lo bia maw a si?kawl cozah ralkap nih AA pawl hna cu a langhlat lawngte in an kah hna tik ah mipi lungrethei in an kan tuah.cun kawl cozah nih Paletwa ram chungah a lutmi facang le ciliah haiba phurtu vialte hna cu an kham dih hna i di-ei awk nei lo in mi tampi kan um cang tiah a chim.

 

Ref: Irrawaddy

Author: Salai Ephraim