Kachin Baptist Convention nih cun kawl cozah ralkap pawl hna cu tlangcung mi vialte kan ci hmih a kan tim tu le hloh thlau a kan timtu an si caah. Tlangcung mi sualnak a ngeilo mi hna sin ah an tuah ser nak vialte hna cu vawlei cung ram vialte hna sin ah theihternak kan tuah lai i,kawl cozah ralkap hna nih kan cungah a thil tuahmi hna cu mi zei paoh nih fian tein an hngalh khawh nak hnga rian kan t’uan lai tiah an chim.
Zeicatiah kawl cozah ralkap pawl hna nih an duh a si ah cun hriamnam tlai veve mi hna cu an i doh in an i kap kho ko.cucu phungning te a si ko na in hriamtlai mi hna kap taktak t’unglo in sualnak a ngei bak lo mi Tlangcung mi cungah an tuah ser mi cu ningcang lo thil a si.an duh ning paoh in an kan tukden pin ah kan nun nak tiangin an kan lak.cun, kawl cozah ralkap hna nih sualnak ngei lo mi cungah an tuah ser nak cu vawlei cung ralkap vialte hna nih zulhphung an ngeih mi chungah a tel bak lo mi a si.
Cucaah, Kawl cozah ralkap pawl hna nih vawlei cung ram ralkap dihlak hna zulhphung an ngeih mi cu an buar ti nak a si.kawl cozah ralkap hna nih tlangcung mi zei sualnak a ngeilo mi an kan thah nawn ning cu kan zoh sawhsawh ti hna lai lo,kan doh peng ve cang hna a herh tiah Sep 1 ca an chuah mi chungah an telh.
MNDAA, AA, TLNA hna le Kawl cozah ralkap hna cu August 31 ah khan Shan ramkulh chungah an i kap i an i dohnak hriamnam Mawhit khuapi chungah a tla i khuami hna minung 5 an thi.midang 3 nih fak taktak in hliamhma an tuar.cu hlan an rak tuah ser mi vialte hna le a tua ah a cang cuahmah mi thil vialte hna cu vawlei cung ralkap dihlak hna nih fiangte in an theih khawh nak hnga rian t’uan kan i zuam lai tiah a chim.
Ref: DVB
