Kawl cozah ralkap tatmadaw le AA hriam tlai pawl hna i kah nak ruangah ah zei sualnak a ngei bak lo mi Rakhine ram mipi hna minung 70 renglo an nun nak a liam cang pin ah minung 190 renglo nih hliamhma an tuar.cu pin ah an um nak theih lo in a tlau mi hna 15 renglo an um rih tiah theih a si.
Hi konghe pehtlai in Rakhine Ethnics Community nih thawngthanhnak a tuah ningah cun Kawl cozah ralkap le Rakhine hriamtlai AA kahdohnak ruang ah Rakhine rammi zei sualnak a ngei bak lo mi hna minung 70 renglo a thih pin ah minung 190 tluk nih hliamhma an tuar cang tiah a chim.cu lak ah mi cheu hna cu an um nak theih lo in a tlau mi an um rih.
Cun,A thi mi hna le hliamhma a pu mi hna hi bomb puahnak, meithal kuanfang nih a khen mi hna, Myanmar ralkap nih lamhmuhsak ding ah auh mi hna, kahdohnak chung ah hrem mi hna an si tiah Secretary Ko Zaw Zaw Thun nih a chim.
2018 November thla thawk in Myanmar ralkap le AA hriamtlai hna cu Rakhine Ramkulh chung Buthitaung, Rathe -daung, Ponnagyun, Mrauku, Minbya, Myabon, Kyauktaw, Ann Peng chung ah kahdohnak a chuak. Myanmar ralkap le AA hriamtlai phu kahdohnak ruang ah a thi mi, hliamhma a pu mi le umnak hmun aa thial mi hna hi 6,000 leng an si cang. credit: Day News
