Salai Benjamine Sum hi Falam pengah cun hla lei ah a rak lar cia mi a si.Myanmar Idol a tel hlan ah hin Concert le Jibilee tuah nak hmun paoh ah cun sawm mi le telh pengmi a rak si.a tutan Myanmar Idol season 4 tiangin a phan cangmi hna hi kan Chin miphun chungin minung pathum an itel Mai Dawt Chin Sung le Salai Benjamin le Yaw Kee hna an si.mah hna pathum ah Dawt Chin Sung le Benjamin Sum hna hi zumh mi cu an si fawn.
Cun,kawl mino pawl hna zong nih Dawt Chin Sung le Benjamin Sum hna cu an uar ngaingai hna pin ah an kong an ceih cem mi hna an si.kawl pawl hna mit ah cun Dawt Chin Sung nak in Salai Benjamin Sum tu hi an uar deuh.kawl pawl hna nih Salai Benjamin kong cu a phunphun in an chim rel cio.an chim phuan cem mi cu kawlram zongah Salai Bajamin Sum bantuk tluk in aw t’ha le aw tuah thiam mi an um bal rih lo.kawl hla a sak ah siseh,Mrang hla a sak ah si seh a aw cu “professional” lawngte in a chuah khawh dih tiah an chim.
Atu i an tuah duh hnawhchan mi Myanmar season Idol cu Salai Bejamin hi a si tiah kawl pawl hna nih an ceihphai ti a si.cun, Salai Bejamin Sum cu a aw t’hat lawng si lo in a aw le a hlasak ning le a cawlcang ning a taksa umter ning tiang in a thiam dih. Myanmar season Idol judge pawl hna nih miphun thleidannak an ngeih lawnglawng Salai Benjamin Sum cu a sung ding a si tiah an chim.
Kan Chin miphun in a tutan ah hlasak a zuam mi hna chungah hin Esther Dawt Chin Sung hi conglomhtu le thazaang a petu tam bik a ngeitu a si tiah an chim. Kawlram hlasak minthang Yun Lay zong nih Esther Dawt Chin Sung cu tha zaang nan pek a si ah cun Idol Winner a cokhotu a si tiahmipi sin ah a chim.Hi tibantuk in kan Chin miphun chungin zuam nak pakhat khat ah an kan tel piak tik ah pakhat le pakhat thazaang i pek le i dirkamh hi mipi kan rian a si ve.kan mah ti khawh tawk cio in le kan um nak hmun cio in thazaang pek khawh an si.a ho hmanh kan dai thlan awk a si.kan mah le ti khawh tawk in rian kan ngei cio ti hi kan philh lo awk a si.
