Kawl Miphun Ta A Si Mi NLD Cu Zeidah Asi? Salai Peng Hlawn Ceu

Ka tlangtar chung ka luh hlanah Union of Myanmar timi Ramkong Myanmar/Kan ram komh sining kong tawi tein kafianh talai. Union of Myanmar aa thoknak cu 1948 kum Mirang kuttang in luatnak phuan ri khan asi. Asinain Kawl nihcun AD-1000 hrawng in tulio Union of Myanmar ram hi rakser asi cang tiah serchom tuanbia in Tlangcungmi le anmah Kawl pawl lila kha kan thluak an rak kan tawl. Cu thluaktawlnak ah a pilmi nihcun 1948 kum i Mirang kut in Kawl kut ah Tlangcungmi kan pil kha an i fianglo i nihin tiang Kawl fah chommi tiltawt ah kan i lunghmuih khim. Curuang ahcun kan ram Chinland teah Kawl pennak fehtertu USDP le NLD parties ah an i phah khim, Khah ka bia asua suallai tlangtar tuah ka lut lai.

1. NLD timi cu National League for Democracy (အမျိုးသား ဒီမိုကရေစီ)/Miphun caah Democracy” tikhi asi tiah a fiannak in kan leh hnga. Asi ahcun “N” nih a sawhmi le a rawlhmi National khi zeidah asi hnga? Union of Myanmar ahhin One Nation (Miphun pakhat) inmaw kan um “Multi-Nation combine/Miphun hna fonhmi” indah kan um tihi ruah ahau. Union of Myanmar cu Nations > Combine =Union in sermi Miphun hna fonh in dirhmi Ramkomh asi. Asinain NLD nih 2016-2020 chung Union of Myanmar a hruainak i a hmanmi policy zoh tikah Nations > combine = Union policy siloin One Nation lead policy or Unitary policy asi deuh. Cucahcun NLD party i “N” nih a kalpi mi policy cu One Nation policy asi ticu 2015 Kan ram thimnak result i Arakan ramthen le Shan ramthen nih fiang tein a langhter.

2. “D” timi Democracy timi khi zoh rih usih. Union of Myanmar cu 1948 in aa form mi asi kan ti cang khah, vantuk in cu aa sem ri bakin ramchung dothlennak a chuak colh i kum 70 leng tiang hmih khawhlo in a alh. Cutin hriamnam tlaih dothlennak ral a thawhnak aruang cu Democracy ruangah silo in Combine > nations > build > Union tiah kan timi Miphun aa dangmi nih i fonh in dirhmi asi mi kan ram kha mi tam u asi mi Kawl pawl nih Union/Ramkomh a ser tti mi miphun fa/tlawm deuh pawl kha ke tang ah chiah in uk le hruai duhnak lungthin in kalpi asi caah asi. Cu ruahnak le hruainak in a chuakmi ramchung ral a daihter tu taktak cu Democracy silo in self-determination a pe tu Federal Union/Mah te khuakhan lairel khawhnak a pe khotu Ramkomh sernak longlong hi asi.

 

3.Cun NLD nih aa kenmi thanhtar khi zoh rih u sih. Miphun pakhat sinak a hmuhsak mi “Arfi” rang tangah Kawl mi nih an miphun hmelchunh ah an hmanmi “Awtaw” zukcuang asi.Cucahcun NLD nih a sawhmi le a kalpi mi cu Union of Myanmar chungah miphun tam asi mi Kawl miphun kuttang ah miphun fa pawl chiah in hruai camcin hna nak phunglam kha asi. phundang in kanchim ahcun Union of Myanmar/Ramkomh ram kha Unitary of Myanmar/Miphun pakhat sinak in hruaimi ram ah siter kha asi.Ka biatlang komhnak ah 1948 in 2020 tiang Kawl nih hlenning phun tling in an kan hlen cang i 2020 pinlei tal ah hin cun Kawl hlenning/ Kawl ngian hi Chin miphun nih i fian a cu cang.

Biapeh: Ram khel ah Mit Dei ti cu Hihi asi. Harvard le Oxford University ah Ph. D lak mi nih LAI a rel lo dakaw. Nuhrin thluak a tlawm tuk mi hna degree lak cu Phenomena Head Damage tu an si deuh I an thluak le Lungput a sifah tuk ve. Cawnnak Sang Science Degree cu an lak phawt ko nain Knowledge le Technology nih a Kal Tak hna. Lairam ah Tu lio a Hrang I a Hui mi Ramkhel Zawng Keng phun khi si ko hmet cu.Kawl te nih Tlangcung mi phun an kan hmuh ning cu: Nunnak thisen Rawnh ding kha Sohot in thlitum chawm in thli tu an kan pe. Thinlung Nunnak cu thisen asi ko nain NLD Sohot hmang in Kawl te nih KANPI LE an Setan Ngian in thli tu an kan pe.

Credit:Saya Rung Kaw