Kawl Ralhrang A Dirkamhtu Ram Paoh Cu Chiatnak Nih A Phanh Hna An Luat Lo

SAC Ralhrang a dirpi mi poh an luat lo. Tuluk ram cu Ruah le Thli nih a den hna. Nithum chungah minung 33 leng an thi. An khuapi pakhat Zhengzhou khua ti nih a hrawh.Russia zong mei nih an ram a kangh. Lungdong in an um.Meithat 2000 leng nih chunzan in mei an hmih.


An ram Vawlei Acres 120000 leng mei nih a kangh. Vanlawng cheukhat line an phih. Khuaci an mui.A rauh hlan ah Min Aung Hlaing le a kuttang pawl zong minung kut in thah khawh an si lo hmanh ah Covid siloah thihnak pakhat khat nih a den hrimhrim hna lai an luat naisai lai lo.

A Donghnak ah cun Pathian nih a khan tawn ko. Nihin kan tonmi thil le dirhmun kong ah lungrethei tuk in um ding a si lo. Lungrethei kan um mi nih zeih thatnak hmanh a chuahpi mi um lo.Minung nih kan tuah khawhmi zeihmanh um fawn lo. Kan lucung samfa pakhat hmanh aa veng kho lomi le aa uk kho lomi kan si.Cucaah zei poh hi Bawipa khuakhan an si ko ti cohlan i a dongh tiang zumhnak he kar hlan tu hi zumtu kan rian ngan a si.

Nihin ah kan ngaih a chia kan lungre a thei ko nain Pathian nih a kan dawtnak a zawr hlei in a hme hlei lo. Kan caah a tha bik in Bawipa nih khua a khan zungzal.Cucu a dongh tiang zum hna u sih.Noah nih a dongh tiang Pathian a zumh caah a chungkhar he buanchukcho in an luat.Abraham nih a dongh tiang Pathian a zumh caah a fapa raithawi dingmi Isak thihnak in a luat.

Naman ralbawi pa nih a dongh tiang Pathian a zumh caah hmachia in a dam.Mary le Martha nih Jesuh an zumhnak thawng in a donghnak ah a thi cangmi an ta Lazaruh a nung than.Mary zumhnak thawng in a donghnak ah Cana khua nupi thit puai ah Jesuh nih ti mitsur zu ah a can ter.Peter nih a dongh tiang Jesuh a zumh caah rel cawk lo nga a tlaih.Cucaah a donghnak ah Pathian nih a khan zungzal ko tihi kan nunnak philh lo ding a si.Nihin ah sa le ral kong ah siseh zawtnak pulrai ruang le Oxygen kong ah beidong in um hlah u sih. Kan luatnak cu sii ai le minung ah a si lo. A donghnak ah Bawipa nih zeidah a tuah lai timi tu cuan ko u sih. A dongh tiang a zummi cu mi luat an si zungzal.

Credit:Tluang Ceu Thang