Myanmar Ambassador rian a t’uan cuahmah mi America ram um Pu Hau Do Suan sin ah UN Security Council hna nih cun Kawl ralkap cawlcangh ning le Daw Suh Kyi rian t’uan ning hna cu a tu leklek in dothlatnak an tuah.Myanmar Ambassador Pu Hau Do Suan nih zei hmanh phehthuhnak ngei lo bak in thil a sining tein a rak chim phuan peng nain a tu cu thil sining in zei hmanh a chim duh ti lo tiah an chim.
UN Security Council hna nih biatam pi an hal michung in a tu lio i Kawl cozah ralkap hna nih Tlangcung minung pawl hna a tu leklek in an kah mi hna le mipi thingphang in an tuah mi hna kongah bia an hal mi belte cu fiang tein bialeh nak a tuah duh hna lo tiah theih a si.UN nih cun Kawl ralkap nih Tlangcung mi an kah nak hna a ruang hi Daw Aung San Suh Ky nih a theihpi mi hna an si maw?asinlo ah Daw Aung San Suh Kyi nih teh zei tal a chim mi a um maw tiah an hal i,chin awk theilo in mi dang zoh ngam lo bak in bia alet kho hna lo tiah an chim.
Kawl ralkap le Tlangcung hriamtlai phu hna an i kah nak kongah bia tawi an hal mi cu Myanmar Ambassador Pu Hau Do Suan nih cu hlan bantuk in biafiang a chim duhlo i holh lo bak in a lu a khun i a caan ah a pawngkam a t’hu mi hna a zoh hna tiah an chim.cun, Kawl ralkap le Tlangcung hriamtlai pawl hna kongah Kawl ralkap hruaitu hna cu voi tampi an mah lawngin ton biaruahnak an ngei ti kan theih.cu ton biaruahnak an tuah nak ah cun Kawl ralkap nih Daw Aung San Suh Kyi an sawm bal maw?tiah an hal nain zei hmanh an chim t’han rihlo ti a si.
Cun,Kawl cozah ralkap hna nih ramdang ah hriamnam meithal le hriamnam dangdang an cawk nak ah zei tal nang mah hrimhrim sin ah an in theihter mi le thawng an in thanh mi a um maw?tiah an hal fawn i cu biahalnak zong cu Myanmar Ambassador Pu Hau Do Suan nih a let kho hna lo ti a si fawn.Cun,Kawl cozah ralbawi pawl hna nih teh an cozah ralkap zat le an rian t’uan nak Cazin hna cu Daw Aung San Suh Kyi nih a theih ve awk a si ko tiah biaceih khan mi teh an ngei maw?Rakhine ram ah kawl ralkap hna nih ningcang lo in Rohingya an thah mi hna hi Min Aung Hlaing nawlpeknak in an tuah mi a si ko lo maw?tiah an hal i Myanmar Ambassador Pu Hau Do Suan nih cun hi kongah zei hmanh theihmi ka ngeilo tiah a leh hna tiah an chim.
Credit: Nan Nan
