Kawl Ralkap Minung Zanga Hna Nih Kan Nunnak Humhimnak Nan Kan Ruah Piak Lai Tiah NUG An Nawl

Kan Puai a nuam chin thluahmah.teinak kan naih chin. SAC pawl CDM an lut thluahmah atu zongah SAC 500 leng Tatyin in 5 tluk CDM lut ding in Min an pek tiah INUG nih an thanh. Tahlak nichuak tiah mah SAC 500 nih cun humhimnak (security) nan kan tuahpiak a hau tiah INUG an nawl hna.Hriamnam ngei lo nih meithal puah thawng SAC humhimnak lak piak an hau. A rau ti lai lo.Note.INUG timi cu NUG cozah le CDM tuahmi hna karah humhim nak lei a tuahmi an si.Credit: Tluang Ceu Thang

Salai Ngun San Aung Hmurka Relchap: Kan Miphun caah Pathian nih nangmah le keimah hman a kan duh.Joseph nih Egypt Siangpahrang inn chungkhar ah bawi dirhmun a phak i mithmai ttha a hmuh tikah a miphun a chungkhar kha a philh hna lo i mangttam in a luat ter hna.Moses nih Pharo rocotu pafa sinak dirhmun a phak tikah a miphun hawi hna Sal i an tan kha a philh lo i thetse ramcar chungah a miphun he harnak tuar kha aa thim deuh.


Prophet Nehemiah nih Siangpahrang innchungah a zuhrai tlaitu a si lioah khan Jerusalem vampang a rawk ti a thei tikah a dirhmun cu kal tak in a rawkmi vampang remh dingah a kirhnawh.Nihin kan ram ah mangttam a tlung, Zumlotu hna sal ah kan miphun kan tan lio a si, kan vawlei le kan miphun kulhnak vampang vialte a cim i kan ramri vialte namnehnak he an kan deet cuahmah.

Chin miphun vialte hna khuazei na um i zei dirhmun na si zongah Joseph bang na chungkhar philh hlah law Moses bang na Miphun philh hlah law Nehemiah bang a rawk dihmi na ram le na miphun kulhnak vampang a cimh dih hi hngalh loin i umter hlah law.Mino hna hodah na rinh lai?

Nulepa hna midang fanu fapa nih an nunnak pek in miphun runvennak rian ah an kal lioah na fanu ma fapa na thloh rih ko hna lai maw?Kan miphun le kan ram kilven le sersiam cu kanmah Chin Miphun kan liang cungah Pathian nih a kan khinh ti hi kan hngalh a herh ko.Kan Miphun caah Pathian nih nangmah le keimah hman a kan duh. Tho usilaw Sa Usih!

Credit: Salai Ngun San Aung