Tatmadaw ralkap pawl hna nih Kachin Independence Army ralkap Headquartes lian taktak mi cu an lak piak t’han hna.kawl ralkap nih Kachin Headquartes an lak piak mi hna hi Kachin ralkap tampi an um nak hmun Battalion No. 36 a si.kawl ralkap nih nithum chungbak pehzulh peng in an kah hna hnu ah an lak mi a si tiah an chim.
Kachin Independence Army nih a chim nak ah cun nithum chung kan i kap hnu ah kawl ralkap nih hriamnam t’ihnung he hmunthum bak in an kan kah peng caah kan Headquartes a si mi Battalion No. 36 hmunpi cu chuahtak lo awk a t’hatlo caah April 22 zanlei suimilam 5:10 hrawngah kan chuah tak i kawl ralkap nih an lak nak hi a si tiah an chim.
Cun a tu ah Tatmadaw ralkap pawl hna nih Kachin ram chung Howa pengtlang khua vialte hna cu an hual dih hna pin ah Ting Sa Kawng le Wudang Bum tiang in an kulh cuahmah cang tiah an chim fawn.Kawl ralkap hi group pakhat ah minung 300 renglo an si i mah hna pawl nih Kachin Independence Army ralkap Headquartes, Battalion No. 36 an lak khawh nak dingah April 18 ni khan Manjang khua in timhlamhnak an rak nei cang tiah an chim.
Tatmadaw ralkap le Kachin ralkap i kah nak ruangah Representatives of the government’s National Reconciliation and Peace Center hna rian t’uan nak in April 30 ah kaphnih hruaitu hna he ton biaruahnak tuah dingin timhlamhnak an neih mi cu a kawl cozah, Tatmadaw nih a buar hmasa mi a si caah hlawhtlin dawh an si ti lo tiah an chim.
Source: kachinnews