Shan ramkulh, chaklei Namsang peng a si mi Namkhi ah a um mi Tauang National Liberation Army (TNLA) sakhan cu Kawl ralkap hna nih kan lak piak t’han hna tiah bohmuchuk Zaw Min Htun nih a chim.Namkhi hmun cu Namsan peng tlang a si mi Yayanmrauk khua le Hochawng khua pawngah a um mi a si na in an khua leng deuh ah a um mi a si. Namsan khawpi in meter 4000 hrawng a hlat nak ah a um mi an TNLA sakhan a si.
Hi tibantuk in kawl ralkap hna nih Tauang National Liberation Army (TNLA) sakhan an lak piak hna hi Sep 16 ah khan a si na in kawl ralkap lei nih fiang tein thawngthanhnak an rak tuah duh lo ruangah theih a si lo.Bohmuchuk Zaw Min Htun nih cun Namkhi hmun ah a um mi TNLA sakhan cu kan mah kawl ralkap kut ah a um cang.khi hmun hna cu TNLA hriamtlai pawl hna nih caan saupi hmun an rak khuar nak a si caah i kahdohnak caah vawlei hmun tampi in an rak khuar mi hna zong zei maw zat a um tiah a chim.
Cun,a tu ah Kawl ralkap nih Namkhi hmun ah TNLA hriamtlai pawl hna sakhan kan lak khawh nak hi Sep 13 in 16 tiang kha hriamnam lianmi tampi hmang in kan kah hna ruangah a tu bantuk in an sakhan kan lak khawh mi hi a si.khi hmun ah TNLA hriamtlai pawl hna nih i kah doh nak caah hmunhma an rak sermi le an tuah mi vialte hna cu kan mah kawl ralkap nih hmun khuarnak le t’an lak nak ah kan hman cang laia tiah a chim fawn.
Hi konghe pehtlai in TNLA news le information department hna nih an chim ningah cun Kyaukme peng Maingnganh pengthen Loipat tlunlam ah Sep 17 zinglei suimilam 7:15 in kawl ralkap he i kahdohnak a thok cuahmah tiah an chim na in TNLA sakhan lak nak kong a chim lo.Atu hi TNLA, KIA, MNDAA, AA pawl hna cu kawl cozah ralkap he Sep 17 ah Shan ramkulh a si mi nichuahlei Chaingtung khawpi chungah ton biaruahnak an ngei t’han i remdaihnak minsen thut dingin an tawlrel cuahmah lio a si tiah theih a si fawn.
Credit: chindwinpost
