Kawl ram chung a si mi Kyaukse khua le a pengtlang chungah ningcanglo in Hursi (Nuvasualnak si)a zuartu zei maw zat hna cu an thil zuarmi hna he May 24 ah khan palik pawl hna nih an tleih khawh cang hna tiah an chim.hi Hursi an zuarmi hna hi phung dangdang in an tuah i Ngaknu pakhat an eiter khawh a si ah cun a eitu Ngaknu cu um awk t’halo bak in cikhat teah khin ningcanglo in Nuvasualnak tuah duhnak thinlung kha a put ter hna.
Kyaukse palik nih a chim ningah cun hi bantuk Hursi an zuarmi hna hi Mandalay ramthen Kyakse myo chung ah sangsang min an t’hen cio hna i Kyet Min Tun sang chung ko ah a tam tiah a chim.cu hmanh ah cun Kyet Min Tun sang chungah khuasa mi Htun Lin inn ah a thli tein an rak pek tawn i Htun Lin nih cun tlangval pawl hna sin ah a thli tein a zuar tawn tiah an chim.
Cun Hursi an sernak seh thilri kawl ram phaisa in ting 20346000 man bak a si mi le an thilri dangdang hna cu Htun Lin inn chung bak ah va tleih a si tiah an chim fawn.hi Hursi konghe pehtlai in Mandalay ramthen Kyakse myo pengtlang chungah cun dothlatnak le chek hlatnak zong tuah cuahmah a si i Htun Lin lawng si lo in a dang a zuartu hna zong an um rih kho men tiah an chim.
Htun Lin inn ah an tleihmi Hursi hi Nu zong nih hman khawh a si pin ah Pa zong nih hman khawh t’hiam a si.a mah belte hi Hursi din-ei cang hnu ah cun ningzang tein Nuva sualnak kha tuah khawh a si lo i acintawk theilo tiangin nuvasualnak tuah duh nak kha an thin lung ah a chuak tik ah tansa ngamdamnak lei caah zongah tihnung taktak mi an si tiah an chim.
