Kawl Ram Chungum Mi Hriamtlai Dihlak Ton Biaruahnak Neih Ding Cu Tatmadaw Nih A Duh Than Loh

Kawl ram chungah a um mi hriamtlai paoh paoh hna nih Thailand khuapi a si mi Chiang Mai khau ah Ca buaicung ton biaruahnak neih an i timh mi cu kawl cozah ralkap tatmadaw nih a duh lo i tuah t’han lo dingin biachahnak a tuah piak hna tiah theih a si.hi kongah kawl ram chungum mi hriamtlai pawl hna cu CNA/F relh in an lung si lo ngaingai tiah an chim.

 

Hi ton biaruahnak konghe pehtlai kawl cozah tatmadaw nih cun Thailand cozah sin ah Ca a kuat i na ram chungah kawl ram chung um mi hriamtlai pawl hna nih ton biaruahnak tuah an i timh mi hna cu inn ka rak awn piak hna lai cih tiah Ca a kuat i,cu Ca an kuat ning te cun Thailand cozah nih kawl ram hriamtlai pawl hna cu ka ram chungah cu bantuk ton biaruahnak cu nan tuah awk a si lo tiah a leh t’han hna tiah an chim.

Cun hi tibantuk in Thailand cozah sin ah Ca a kuatu hi kawl ram ( Brigadier Gerneral Khin Zaw)a si tiah an chim.hi ton biaruahnak ah CNA/F, KNU, NCA pawl hna zong itel ve an itim i kawl cozah ralkap tatmadaw nih mah bantuk in thil a tuah mi NCA biachahnak zei hmanh ah a rel loh NCA biachahnak cu tatmadaw nih a buar t’han tiah an chim.

 

Kawl cozah tatmadaw nih mah bantuk thil a tuah nak hi NCA ah minsen a thuh rihlo mi KIA le KNPP hna tel ve an i timh ruangah a kham nak hi a si bik tiah an chim fawn.NCA biachahnak ah cun kawl ram chungum mi hriamtlai pawl hna cu a tu bantuk hin zalong tein ton biaruahnak nei kho hna seh tiah a tel mi a si tiah an chim.