Myanmar model minthang Thiri Shin Thant hi 1984 December thla ah Lashio khua a chuak i kum 2008 lio in larhram a thawk i a tu tiang a lar taktak mi Nu a si.Thiri Shin Thant hi Buddhist biaknak in a chuak mi a si caah khrihfa biaknak kong cu a thei bak lo mi a si caah Buddhist biaknak lei cu a t’anh taktak mi a si.asinain a nun nak chungah hnangam nak taktak a hmu khawh lo caah zing he zan he ni fa te’in an mah Buddhist biaknak cu a bia peng tiah an chim.
Cun Thiri Shin Thant nih cun Buddhist biaknak ah cun biatak tein ka zuam na in ka thinlung chungah hna qflngam nak taktak ka nei kho lo.Khrihfa biaknak a bia mi hawi zong tampi ka nei ko hna na in an biaknak konghe pehtlai in zei hmanh dothlatnak le biahalnak zong ka tuah bal hna lo.cun ka hawi hna chungin khrihfa biaknak a biak mi PI Ma Ju te chungkhar hna cu an i nuam peng fawn.cu tik ah ka hawi le Ma Ja le a va fa Ko Wai Tun hna cu nan nih hi zei tin dah nan i nuamh khun ti an biaknak kong hal lemlo in ka hal sawhsawh tawn hna tiah a chim.
Mah hna chung ka zoh tik ah an mah bantuk in zei tin dah thinlung nuamh nak ka hmuh lai tiah ka zuam len na in ka hmuh kho hlei lo.voi khat cu Hindu biaknak i a lung a thleng i Khirhfa biaknak ah a lut mi Rev.SanToe cu ka fuh i thlacam piak nak a ka neih hnu cun ka nun nak ah aa thlengmi khi ka lo cang,asi na in cu hlan i thinlung nuamhnak taktak ka rak kawl mi bantuk cu a si hraw lo.cu hnu ah Khirhfa biaknak a bia mi ka hawi pakhat Mary sin ah cun ka kal i thlacamnak a ka neihpi t’han.
Cu hnu ah Rev.SanToe nih cun Shan ram chung Ta Chi Late khua ah Crusade a tuah i cu ka ah cun kal dingin a ka sawm tik ah a bia al lo in ka zulh,?cu Crusade cawmpiak nak ka ngeih cuahmah lio ah cun ka taksa pum hi Jesuh el cungah ka it i Jesuh nih cun ka sam hna cu chiti a ka thuh i,Jesuh nih cun ka Fa Nu kan hngah peng ko tiah a vun ka leh i,cu le caangka cun kan thinlung cu um tu awk theilo bak in ka um i hi ka hin pei nun duhdimnak cu a um ko hi ka ti i Jesuh cu ka kuh tiah a chim.
Credit: MWN