Kawl Ram Pumpuluk Ca Cawngmi Hna Kongah Daw Aung San Su Kyi Nih Fak Taktak In Bia A Chim Cang

Kawl ram fimchimtu Daw Aung San Su Kyi nih cun kawl ram pumpuluk chung Ca cawnnak kongah a luancia kum 10 lio in Ca cawng lio mi hna nih zukhmawm mi thil Zu, Kuak, Kuva le ei-din ti bantuk pawl hna cu mi zei hmanh nih i ken lo ding le di-ei lo dingah biachahnak rak tuah mi a si na in cu thil cu tuchun ning tiangin khap khawh le tei khawh an si lo tiah a chim.

Cun, hi konghe pehtlei in Myanmar Global School Health Survey pawl hna nih dothlatnak le kherhlainak an tuah hnu ah an chim mi cu kawl ram chung pumpuluk Ca cawng mi hna lak ah kum 13 in a cunglei mi hna cu zukhmawm a tawnglo mi an tlawm te i kum 13 in kum 17 karlak minung zukhmawm a tawngmi hna hi 4% tluk in kum fati’n an kai peng tiah an chim.Daw Aung San Su Kyi nih cun kawl ram pumpuluk chung Ca cawngmi hna lak ah mah bantuk thil a cang cuahmah mi cu a ran nak in kan tawlrel zawkzawk awk an si tiah a chim.

Cun Ca cawng lio mi hna nih mah bantuk thil an tuah nak a ruang cu zukhmawm a zuartu hna rian t’uan ning a t’hat lo ruang a si caah,kawl ram cozah nih Zu, Kuk, Kuva tibantuk a zuartu hna cu a ran nak in an kong ceih a si lai ian thil zuar ning kongah biachahnak le zulhphung ser piak an si cang lai tiah a chim fawn.cun hi thil kongah dothlatnak a tuahtu hna nih an chim ningah cun Ca cawng lio mi kum 13-17 karlak hna nih mah bantuk thil an tuah nak cu 18% ah 10% tluk hna hi cu an taksa caah a herh mi (Vitamin) an ei khawh lo ruangah an taksa nih cu bantuk thil tuah duh nak cu an hlam i a tuah mi hna an si tiah an chim.

Kawl ram palik Health Service hruaitu Dr Soe Min Oo nih cun kawl ram chung Ca cawng mi hna 10 lak ah 1 hi cu rithaisi le zukhmawm thil an tonghnak ruangah umhar lileng in khua an sa i mah le mah i thah duhnak thinglung an nei,ningcanglo thil tuah duh nak le hna beidonghnak lawngte in an khat tiah Naypidaw ah kawl ram Ca cawn ning konghe pehtlai in ton biaruahnak an tuah nak ah a chim.

Credit: Freechinland