Kawlpa Nupi Nei Cia Mi Nih Tleirawl Nute A Deh Hlen Ning Cu A Fak Ko Mu Fa A Pawiter Chap Hoi

Yangon khuapi Shwe Pyitha district street no 133 chungah khuasa mi an hruaitu upa Mr Aung Win nih cun khuate lei in a rak ra mi nganu no te pakhat cu a thli tein a helh peng i,Fa a pawiter. Mr Aung Win hi Nupi he t’ha tein khuasa mi a si pin ah Shwe Pyitha district street no 133 chungah an ruaitu upa pakhat a si.cun, an upat ngaimi le mi fel ngaingai mi,rinhchanh mi zong a si fawn tiah an chim.

 

Mr Aung Win nih hin Ngaknu note sin ah cun tlangval ka si tiah a chim.Ngaknu zong nih khuate lei in a rak ra thar mi a si caah a zumh sual i Ngaknu thiang a si nak zong cu a pek ve tik ah Fa a pawi.Ngaknu nih fa ka pawi cang tiah a chimh tik ah Mr Aung Win nih cun Ngaknu cu hmuh a duh ti lo i a phone zong a tleih piak duh lo.asinain voi khat cu Mr Aung Win cu Ngaknu sin ah a ra i Nu nih cun a fa a pawi cu t’ha tein a chimh tik ah Mr Aung Win nih cu ka fa a lai lo midang da a si lai tiah a duh lo ruangah buaibainak an chuak.

Mr Aung Win le a sualpi mi Nu photo.

 

Mr Aung Win nih cun a Nupi cu a rak i t’hit i a Nupi ngei cia mi ka si pin ah Shwe Pyitha district street no 133 chungah hruaitu upa t’ihzah mi ka si tiah a rak hrocer. Ngaknu cu Mr Aung Win Nupi nih cun mihur Nu na si, ningcang lo in ka Pasal Mr Aung Win na rak lem ruangah taza kan cuai lai tiah a rak hrocer ve tiah an chim.cu pin ah Mr Aung Win nih cun Nganu cu online in a phozar i a fa pawi mi khi a do fa a si zong theih a si lo kei mah tu ningcanglo a ka puh tiah a chim.

 

Mr Aung Win nih hi ti bantuk in thil a tuah mi kongah Ngaknu nih cun zei thil hmanh a tuah kho lo.Mr Aung Win nih Ngaknu cu a hmurka a phih bak tik ah holh ngamlo in a tuah.asinain Mr Aung Win nih zalong tuk in online in bia a chim phuan mi ruangah Shwe Pyi tualchung misual pawl hna nih an va fuh i na sining hi mipi nih kan theih dih mi a si ko.mah bantuk thil na tuah t’han a si ah cun na nun nak nih a tuar cang lai tiah an va hro.asinain hi kongah Mr Aung Win nih Fa a pawiter mi Ngaknu te cu bawmchantu a ngeih lo caah Mr Aung Win cu mi zei hmanh nih dantat nak a tu tiang cu an pek rih lo tiah an chim.

Ref:TTYB