Mon ramkulh Yi peng chungah a um mi Kalitthuk khua Sianginn (middle school) ah a cozah Cawng Sayamah Nu pakhat cu an a t’uan nak Sianginn ah caan hman tein Cachim lo in a mah duh mi rian paoh t’uanbu in a thlahlawh (lahkhah) lak a timh ruangah tazacuai a hlawh.hi konghe pehtlai in an chim nak ah cun Kalitthuk khuami hna nih zei hmanh leirawi nak le report nak an tuah mi a um lo na in Kalitthuk pengtlang hruaitu hna le Sianginn lei rian t’uantu Upa te hna nih a sining tein record Ca a rak t’ial ruangah a si tiah Mon ramkulh luhmuhzi Dr. Thein Lyn nih a chim.
Taza an cuai mi a cozah Cachim Sayamah Daw San Mar Lar cu kongah Kalitthuk pengtlang hruaitu hna le Sianginn lei rian t’uantu Upa te hna nih an chim mi cu Sayamah Daw San Mar Lar cu Cachim lo in a mah pumpak rian t’uan in a caan a hmang tam deuh.cu ti bu in a thlahlawh a chuah pengmi cu a rian t’uan nak hmun le ram caah ningcang lo thil a si pin ah ram rawktu a si deuh.zeicatiah Cacawng lio mi nih an theih awk a si mi le a tuah awk a si mi a caan lio teah an theih khawh lo ah cun ningcanglo thil a si tiah an chim.
Sep 19.2019 ah khan Mon ramkulh chung hruaitu vialte hna cu ton biaruahnak an ngei i,cu ton biaruahnak an ngeih lio ah cun an hruaitu a si mi Daw Khaing Khaing Hlet nih cun hi tin a chim,”Sayamah Daw San Mar Lar lawng si lo in Mon ramkulh chungah a cozah Cachimtu hna chungin minung pathum hna cu Cachimh rian felte in an t’uanlo i an mah pumpak rian ah an thinlung an pek deuh ruangah a cozah nih an thlahhlawh a pek hna zongah Mon ramkulh hruaitu hna nih ceih piak an si lai”tiah a chim.
Daw Khaing Khaing Hlet nih a chim mi hna minung pathum hna lak ah hin Mon ramkulh fimthiamnak lei zohkhenhtu ah an chiah mi a cozah rian t’uantu pakhat zong a tel chih.cun, Mon ramkulh chungah a cozah Cachimtu hna ngiathlai tu dingah committe an dirh i cu an dirhmi committe hna nih an sining hoih in an tawlrel hna lai.a herh an ti a si ah cun an thlahlawh zong chuh i a cozah sin ah an rian in chuah nak ding report tuah a si lai tiah a chim.a cozah Cachimtu konghe pehtlai in phunghram an buar pin ah report an tuah a si ah cun chim awk um lo an si caah committe an dirh mi tawlrel piak in cu hnu ah a herh ningin tawlrel an si lai tiah a chim.
Credit: chindwinpost
