Kawlram Cozah Nih Ralzam Pawl Biatak Tein Lem Than Dingin I Timhlamhnak A Ngei Than Hoi

UN refugee agency pawl hna nih an chim ningah cun Kawlram cozah le Bangladesh cozah hna nih cun a voi hnih nak caah Bangladesh ram chungah a um mi hna Rohingya Muslim ralzam pawl hna nih Kawlram ah kir an duh khawh nak hnga ding caah a thar in rian t’uan t’han an i tim tiah an chim. Kawlram cozah nih hi tibantuk in rian t’uan a timh t’han mi hi a voi 2nak a si cang tiah an chim fawn.

Kan hnung thla chungah khan kawl cozah nih Rohingya Muslim ralzam pawl hna um nak ah minung zei maw zat palai a thlah hna i nithum renglo bak Rohingya Muslim an hruaitu hna minung 35 hna he ton biaruahnak an ngei cang. Rohingya Muslim ralzam an hruaitu hna nih cun kawl cozah sin ah an chim mi cu Rohingya Muslim ralzam pawl hna hi kawlram kan kir ding a si ah cun a kawl cozah nih na ram mi sinak le kawlram chungum mi miphun pakhat ah na kan cohlan khawh ding lawngah kan rak kir lai tiah an hal cang.

 

Asinain kawl cozah nih cu an hal mi hna cu a pe duh hna lo.hi konghe pehtlai in Kawl cozah le Bangladesh cozah hna nih cun Bangladesh ram chungah a um mi Rohingya Muslim ralzam hna cu kawlram ah an kir khawh nak hnga ding caah misen an thut cang.a mah belte cu Rohingya Muslim ralzam pawl hna nih a kawl cozah sin ah an hal mi a tlamtlin hlan lo chung paoh cu kir an duh lo.cu pin ah a tu tiangah ralzam pawl hna nih an mah lungtho tein kawlram ah a kir mi a ho hmanh an um rih lo.

 

UNHCR nih cun Rohingya Muslim ralzam pawl hna kongah kaphnih cozah nih an tawlrel mi hna hi a tlamtling lai tiah ruah ngam a si lo.asinain kaphnih cozah nih Rohingya Muslim ralzam pawl hna cu an duh lo bu in kirter an timh mi hna a lo tiah a chim.kawl cozah nih a chim ningah cun Rohingya Muslim ralzam hna chungin minung 3,450 tluk hna cu kawlram ah kir dingin a kawl cozah nih biachahnak a tuah piak cang hna.cu hna pawl cu kawlram kir ding an si cang tiah Bangladesh cozah UN sin ah an min list a pek cang fawn hna tiah an chim.

Source: Mzzima

Author: Salai Ephraim