Kawlram Cozah Pi Hmanh Nih A Tuah Khawhlo Mi Dr.Sasa Nih A Tuah Khawh Lengmang Ko Hih

Kan theih bantuk in nizan hrawng in Kawlramchung ah fimcawnnak sianginn Primary, middle, high school tibantuk tampi cu NLD cozah nih states tampi ah a pek hna. Kanmah Chin State chung zongah tam taktak a kan pek ve. Hi hi cozah pakhat nih aramchung ah cun a tuah awk asi ko. Cu pinah cozah party pakhat nih cun thimnak hlan teah atuah ding asi ko. Hi hi rampi thimnakah zapi zaran nih cozah an riantuannak kutneh theipar kan hmuhmi le kan eimi te a si ve. Zeibantuk hmanh khi sisehlaw, NLD cozah cungah ilawm ko hna usih, zeicatiah fimcawnnak pei a kan pek hi.

Tutan ah langhter ka duhmi cu, NLD Central cozah nih khua tampi ah sianginn apek hna. Mah sianginn apekmi hna hi atlamtlin khawhnak hnga cozah nih phaisa thazaang in a bawm chih hna hnga maw ti hi asi. Sianginn kan pek hna tiah amin lawng asi ah cun khuami nih phaisa tampi dihin tuan a hau hnga. Hika zawnte ah hin cozah an biapi tuk. Sianginn pakhat saknak dingah phaisa tamtuk a hau rih lai. Dr.Sasa hmanh nih sianginn pakhat saknak dingah kawlram phaisa ting 700 MMK a pek khawh hna ah cun cozah pakhat a simi nih cun mah nak hin a tam deuh lai zumh a si ko.

 

Tuan deuh ah Dr.Sasa nih a chimmi cu khuate lei ka tlawnnak ah ca chimtu saya umnak inn ah ka leng hna. An umnak inn ka zohtik ah ka ngaih achia tuk. Nain kaa lawmtuk thannak thil pakhat a um. Cu cu hihi asi, an umnak inn le lo cu zeibantuk hmanh si ko sehlaw an mithmai apanh tuk. Miphun zawnruahnak he an riantuan ning le an i pek ning hna ka hmuh hna tikah cun kaa lawm tuk than tiah a chim. Hi bantuk lungput le mithmai panh tein an um khawhmi ka ruah tikah an nun hi hngar an um tuk. Mah bantuk lawmhnak hi mirum le mifim hna nih an neih khawhlomi lawmhnak cu a si tiah achim.

Dr.Sasa nih hin ahlei khun in Maraland chung ah fim cawnnak sianginn tha a ngeilomi hna cu sianginn sak piak dih an si lai tiah a ti hna. Sianginn pakhat saknak dingah hin budget/sunction hi ting 700 MMK asi lai ti zong a chim chih. Sianginn pakhat caah ting 700 MMK a si ah cun atha tuk ding khi a si. Amah Dr.Sasa nih a chim chap rihmi cu, mah sianginn sak dingmi khua hna cu motor lam nih apawhmi a si lai. Zeicatiah sianginn saknak ding thilri vialte hna cu motor in phorh a si lai ati.

Ref:dailychinstar.com