Kawlram Cu Ramkhel Politics Si Lo In Biaknak Lei Politics Tu Thinphang Deuh A Si Kho Cang

Ralhrangbu Nih An Tlaihmu Muslim Khuabawi A Ruak In An Pek Hna Ralhrangbu nih August 29 zanlei ah an tlaih mi Rakhine ramkulh Mawngtaw peng Ushinkyah (ဦးရွည့္က်) Muslim khuabawi U Robi A-Lawng (kum 32) ruak cu tuzing ah ralhrangbu nih Mawngtaw mipi sii inn ah an rak chiah tiah khuabawi hna sin in theih a si.

Khuabawi pa hi Mawngtaw uknak zungah a kal lio ah ralhrangbu nih an tlaih mi a si. Ralhrangbu nih an tlaih mi Kyetyopin (ၾကက္ရိုးပင္) khuabawi le a hawile pa 2 zong atu tiang an thlah rih lo tiah theih a si.

Khuabawipa ruak hi rian ngeitu hna nih an zohfel tikah a taksa ah hliamhma an hmuh pin ah a lungah thau nih a thuam tiah Mawngtaw siizung uk Dr. Tar Nuu Kay Ti San nih Western News ah a chim.

Khuabawipa ruak hi sii inn ah chiah chung a si i,hi kong he pehtlaihin Mawngtaw pengkomh uktu U Nay Oo cu a hmanh lo ruangah pehtlaih khawh a si lo tiah Western News nih a tial.

Ref; WN