Italy nih Myanmar ah thlahmi ambassador Pu Alessandar Schiavo nih a chimmi cu, “khuate ah a ummi mi hna nih mei ttha te in an hmuh khawh ding hi a biapi ngaingai mi a si. Hi rian ttuannak in hin Iraly le Myanmar hawikom sinak hi a sersiam ding zong kan i ruahchan. Hibantuk rian ttuannak hin harsa ngai in khuate ah khua a sami hna harnak zeimawzat chung in a chanhchuah hna lai. Cubantuk ruahchannak he cun hi rian hi kan ttuan mi a si” tiah a chim.
Myanmar ah mei (electricity) hman ning hi Vawleicung ah a niam bikmi a si. Myanmar ramchung mipi cheuthum cheuhnih 84% lawng nih duhdimte in mei hi an hmuh i an hman khawh. Khuate tampi hna cu a tu tiang hin mei (electricity) nih a phan kho rih hna loh, tiah a chim chih.
National Electrification Project (NEP-IT) nih April 30 ah khan cathanh pakhat an chuah. An cathanh ah an chimmi cu, “hi rian ttuannak ah hin Italy nih Euros 30 million bak dengte in an kan cawih. Hi phaisa hi khuate hna nih mei (electricity) an hmuh khawhnak hnga caah timhtuahmi a si, tiah an chim.
Hi phaisa hi Myanmar nitlak lei Chin State le a pawngkam hna mei (electricity) peeknak rian ttuannak caah hman a si lai.
