Thailand ram ah i hlawhfa in maw a si lo ah thil pakhat khat tuah duh ah khualtlawng lamle mi hna nih i ralrin ngai a herh ko cang.Thailand ram ah khuasa mi China ram Pu SuKuah Mala ti mi pa cu a dawr tuahnak bak ah Kawlram mi minung 7 hna nih an rak fuh i a chawdawr tuah nak hmun bak ah an rak thah tiah theih a si.
Cun, hi tibantuk in China ram mi Thailand ram ah a thattu hna Kawlram mi hna hi an dih lak ah minung 7 an si i,cu hna lak ah cun Nu pathum an i tel i a dang hna cu Pa an si tiah t’uanvo ngeitu Thailand palik hna nih an chim.Kawlram mi minung 7 hna China pa an thah hi August 29 ni ah khan a si.
Kawlram mi minung 7 hna nih hin August 29 ni ah khan Thailand ram chung ah China pa nih dawr a tuah nak hmun ah cun an va kal i,Pu SuKuah Mala dawr hngaktu hna he bia an i al hmasa.cu hnu ah a dawr ngaitu pa Pu SuKuah Mala nih cun Kawlram mi hna cu t’ha tein um ding a si tiah nun a rak chimh hna tik ah Kawlram mi pawl cu an thin a hung i buaibai nak an tuah.
Cutik ah an dawr ah an chiah mi palang le thinglung hna cu ilak in dawr a ngeitu pa cu um hmun ril bak in an phomh i a um nak a dawr ah cun a thi cawlh tiah an chim.Kawlram mi pawl hna nih dawr ngeitu pa an thah dih bak in motor an i lak i zam an i timh ah minung pathum hna cu palik nih an tleih manh hna.asinain a dang minung 4 hna cu kawl cuahmah lio an si tiah an chim.
Credit: chinfuture
