Kawlram Mipi Caah American Embassy Nih Ralrinak Ca A Rak Chuah Mi

American Embassy Nih Ralrinak Ca A Rak Chuah Mi A Hlun Cangmi Cu Mipi Tampi Nih An Thar Chuah.September 25 thok in October 16 tiang ni 26 chungah Yangon le Mandalay le NayPyiTaw telh in a dang khuapi cheukhat hna ah tihnung kahdohnak a chuak kho timi American Embassy nih ralrinnak a chuahmi cakuat cu messenger in midang sinah kuat a si lengmang i atu hi a karh ngai.

Hi Embassy nih ralrinnak ca a thanhmi hi a dikmi cu a si ko nain 2019 September 25 ah an rak thanh cang mi a si.Cucaah hi cakuat na don a si ahcun a hlunpi a si caah thinphan thlalau in umlo ding ah “Misinformation Buster” nih a thanh.

Relchap: CDF Kanpalet le Mindat in mipi ralkap pahnih an nunnak a liam.Ralhrang phu le CDF kar kahdohnak ah CDF Kanpalet le Mindat in minung pahnih an nunnak a liam tiah theih a si.

September 23 ni Kanpalet kahdohnak ah CDF-Kanpalet in minung pakhat a nunnak a liam.September 19 ni Mindat peng kahdohnak ah CDF-Mindat phu in minung pakhat a nunnak a liam tiah theih a si.

Credit: TCP

Author: Salai Ephraim