Kawlram Mipi Caah Thawngpang Tha Taktak A Chuak Than Cang

NUG Cozah New Zealand Cozah nih cohlan nakding minthut a hal mi sing 5 a lonh, Hluttaw ah an pek.New Zealand Cozah nih NUG Cozah phungluut in cohlan ding ah a hal mi minthut sing 5 leng a si, New Zealand Hluttaw ah an pek cang.

NUG Cozah phungluut in cohlan a si nakhnga Myanmar rammi Democracy cawlcanghnak ah aa tel mi hna minung sing 5 minthut August 8 tiang ah pek ding a hal mi hna cu 524,032 minthut an hmuh i August 9 ah khan New Zealand Hluttaw in Labour Party MP Ms Vanushi Walters nih puai pakhat bantuk in a cohlan hna tiah theih a si.

Htantabin Peng Sang le Khuate khuabawi 20 hrawng nih rian an chuahtak.PDF nih ralrin peknak ca an chuah hnu ah Bago Ramthen Htatabin (Thantapin) Sang le Khuate khuabawi 20 tluk nih an rian an chuahtak.SAC phu dirkamhnak rian hi August 15 hlan ah chuahtak u, tiah PDF nih August 5 ah khan ralrin peknak cathanh an rak chuah.

“Khuapi in Sang 6 le Ohnbin khua tel in khuabawi 20 tluk hi rian a chuahtak mi an si,” tiah khuami nih an chim.A rian a chuahtak mi hna donnak le NUG he riantuanti ding in sawmnak siseh, cun a rian a chuahtak rih lo mi zong nih chuahtak zokzok ding Htantabin PDF nih cathanh an chuah than.

Credit: The Hakha Times