Kawlram Mirum Pawl Hna Caah Thawngpang Chia Le Thinphang A Si Kho Hi Mu

Tangka tlap le bank phihkhar ding kong cu a dik lo tiah central bank nih a thanh Tangka 5000 tlap le 10000 tlap hna cu thah a si lai tiah theih mi kong ah, thawng dik lo a si tiah central bank nih nihin ah cathanh a chuah.Hi thawng pang kong he pehtlai in tangka tlap thah ding le bank pawl phih khar ding ti mi thawng pang ruang ah tangka chuah a duh mi tampi an um caah

Cu thawng kong he pehtlai in a dik lo mi a si tiah central bank nih cathanh a chuah nak hi a si.“Central Bank dirhmun in, tangka kong ah thawng daiten a um khawh nak ding ah tha te in le ralrin ten riantuan a si,bank lei zong nih rikhiah mi ning ten fek tein le tha te in riantuan nak tuah a si ko ” tiah central bank nih an langhter.

Ralhrang nih nawlngeihnak an lak hnu thla 6 luan ah bank tangka chuah duh tik ah rikhiah piak a um i, July thla dongh lei ahcun cheukhat bank ah tangka chuah khawh nak hna cu chikhat phih chung nak a um, tuahkel tangka chuah mi ca zong ah rikhiah piak a um tiah bank ah kal tawn mi cheukhat nih an chim.

”A hlan cozah chan ahcun zungkhar si zongah ,bank nih a kan tawlrel piak, atu ahcun rikhiah piak mi a tam ngai,tangka chuah zong a har, a tu ah bank zong khar a si lai tiah theih a si caah tangka a har chin cang lai ” tiah Burma Associated Press nih a langhter.

Credit: TCP