Kawlram NLD Cozah Nih Mipi Cungah Rule Of Law A Hman Ning Le Mipi Nuhrin Covo

NLD cozah nih cun “rule of law’hmangin rian tampi an t’uan lai tiah mipi nih ruah an si na in tuah an timh mi an i hmui tinh mi hmanh thil tamtuk a tang rih.kawlram court biaceih zung cu home affairs ministry tangah a um mi a si.home affairs ministry cu commander in chief of defence tangah a va um mi a si.Presedent kut tangah a um mi an si loh. curuangah kawlram courth biaceih tu hna nawlngeihnak cu kawl ralkap kut ah a um ti nak a si.Kawlram court biaceih zung nih case a kalpi ning kan zoh a si ah cun “rule of law”cu zei tik hmanh ah an kan hman piak lai ti cu zumh awk a um ti lo.

 

Zeicatiah Victoria case kan zoh tik ah tleihhremtu ah sual an phawt mi hi Aung Gyi si a mah hi Ngakt’ah a si,mi motor mawngin a paw a cawm mi a si.sual an phawt nak kongah mipi nih tleihhremtu ah Aung Gyi cu a si lai tiah an ruat hrimhrim loh.cu lawng si lo in Victoria Nute Sianginn kainak Sianginn a ngeitu hna nih Aung Gyi lawer le Victoria a hringtu Nu le Pa hna cu case dang an chap piak rih t’han hna.hi thil nih hin kawlram court biaceih zung cu mipi humhin nak zei hmanh an tuantan lo mi leirawitu lawng te an si ti cu fiang tein hmuh khawh a si.

Victoria case kongah t’uanvo ngeitu hn cu kawlram Palik bawi lawngte an si.kawlram politics cu mileirawitu (dictator) pawl hna kut ah an um dih.misual kan ti mi hna hi zei tluk hmanh in kawlram chungah cun sualnak tuah hmanh hna sehlaw mileirawitu (dictator) pawl hna he ipehtleihnak an ngeih ah cun tleih khawh le hrem khawh an si ti hna lo.kum 2020 ithimnak ah hin zei bantuk thilpi hmanh khi va chuak sehlaw cu bantuk minung pawl hna cu tleih khawh an fawn lai loh.cucaah mileirawitu (dictator) pawl hna nih kawlram politics cu an mah duh ning paoh in an hrocer peng ko lai.

 

Kawlram politics ramkhel lei rian t’uantu tampi hna nih zihnawh eihmur lei rian t’uantu Dictator dohlo in democracy kan hmuh khawh nak ding caah rian a t’uantu NLD cu an doh.cun,Tlangcung mi pawl hna zong nih Chin ram, Kachin ram, Mon le Kaya ram etc..tibantuk ah biatak tein cawlcangh hram an i thok na in,hi Tlangcung party hruaitu pawl hna nih hin mipi thinlung a tei kho hna lai maw ti cu fiang tein theih khawh a si rih lo.asinain mipi nih an chim phuan cem mi cu NLD ti hi a si peng ko rih.Tlangcung mipi nih an chim mi cu him tein a kan zohkhenghtu ding paoh cu vote kan pek ko hna lai ti a si.an nih cu kan mah miphun an si caah vote kan pek hlei hna awk a si timi thinlung an keng hlei lo.

 

NLD MP/MLA candidate ding hna cu Kawlram mi bak a si lai tiah NLD vice chairman, Mandalay chief minister Dr.Zaw Myint Maung le NLD CEC member Monywa Aung Shin hna nih an chim.mah cucu 1990 lio i an rak tuah ning te a si. Cun, Union Election Commission nih cun ralkap ballion chungah polling-station chiah khawh mi cu phunghram kalh a si tiah an chim.NLD CEC zong nih kawl ralkap he lungtlin nak an rak tuah cia mi a si.Chinram kulh zongah siseh,Kawlram chung zongah siseh NLD hi an cak te ko lai.Mahle hmuh ning sawhsaw mu!

Author: Salai Ephraim