Kawlram Palik Pahnih Cu Zurit Ruangah An Mah Le An Mah Namte In An I That

Mandalay ramkulh chungah a um mi Myikthila khuapi Ale khua Palik zungah rian t’uan cuahmah mi Palik minung pahnih hna cu an mah le an mah bia i al nak ruangah namte in an sawh i pakhat a nun nak a liam tiah theih a si.hi tibantuk in bia an i al i an i thah nak a ruang hi zei dang ruangah si lo in Zurit ruangah a si tiah Myikthila khua palik sakhan nih a chim.

 

Myikthila palik zung nih a chim ningah cun a thi mi palik hi a min ah Tin Soe Wai ti a si i,a mah hi Nupi he t’ha tein khuasa mi a si.zaan ah duty a tuah nak in Zu a ding i a duty tuah nak hmun ah cun a rak it cawlh tik ah an Nu nih a rian t’uan nak ah cun va kal i a va thawh tik ah zurit bu in a tho i a hngilh karlak ah duty a tuah cuahmah tu Aung Soe Min cu zei chim lo in a va thongh ruangah Aung Soe Min nih cun Tin Soe Wai a tukbakhur ah namte in a sawh tiah an chim.

 

 

Cun,Aung Soe Min nih Tin Soe Wai a tukbakhur ah namte in a sawh ah hin voikhat telawng a sawh na in vanchiat ah zei hmanh theilo in a um cawlh.sizung ah an tehpi cawlh na in sizungah a thi cawlh tiah an chim.

 

Hi konghe pehtlai in Ale khuapi ah rian t’uan cuahmah lio mi palik senthum a min langhter lo mi pa nih cun hi tibantuk in thil kan ton mi cu khuaruahhar ngai a si,zeicatiah duty a tuah cuahmah lio mi le rian a t’uan cuahmah lio mi Zurit ruangah an i vua i an nunnak tiangin a liam mi cu an mah ca lawng si lo in kawlram palik vialte hna caah ningzak taktak a si.an thih hnu hmanh ah an case hi ningcang tein an tawlrel awk a si lai tiah a chim.

Credit: DVB

Author: Salai Ephraim