Kawlram cozah nih cun cuhlan ah a rak tuah bal lo mi khualtlawng lamle mi kongah thawngpang t’ha ngai thanhnak a tuah.ramdang mi hna caah kawlram tlawn an duh a si ah cun a langhlat in VISA lakcia hauti lo in kawlram an rak phanh hnu ah zalong tein (Visa-on-arrival) cu lak khawh a si cang lai tiah thanhnak an tuah.
Hi kongah cuhlan ah cun ramdang mi lawng si lo in kawlram mi ramdang ah khuasa mi hna hmanh nih an mah duh paoh in VISA lak cia khawh a si lo.VISA kongah buaibainak tampi a rak chuak.asinain a tutan ah thanhnak a tuah mi cu kawlram tlawn a duh mi hna ca lawng si lo in kawl cozah nih Visa-on-arrival a pek mi hna ram zong a karhter tiah theih a si.
Australia, Germany, Italy, Spain, Switzerland le Russia ram in kawlram ah khualtlawng lamle an um a si ah cun Yangon, Mandalay le NayPyiTaw international airport an phanh hnu ah zalong tein US Dollars 50 lawngin visa-on-arrival cu an lak khawh cang lai tiah theih a si.kawl cozah nih mah bantuk thil a tuah mi hi October thla 1 in thok a si cang.
Myanmar Tourism Marketing Association nih cun hi tibantuk in khualtlawng lamle mi hna caah a cozah nih thil a tuah mi hi kawlram a hlunhlai khawh nak ding caah le kawlram a t’hancho khawh nak ding caah tinh mi a si tiah a chim.cun,kawl cozah nih India, China, Japan, South Korea, Hong Kong le Macau lei in kawlram ah zalong tein khualtlawn lamle an luh khawh nak dingin biachahnak zong a rak tuah bal cang.hi tibantuk in a cozah nih thil a tuah hnu ah kawlram ah Japan lei in khaltlawng lamle mi kawlram chungah a rak lut mi hna hi January in August karlak ah minung 82,000 renglo an si manh tiah Ministry of Hotels and Tourism statistic nih a chim.
Source: BBC
