1920 lio ah khan Israel miphun hna cu Kawlram khuapi a si mi Yangon khua ah minung 3000 hrawng an rak um bal cang.curuangah 1920 lio ah a rak um mi hna chungin zei maw zat hna nih cun Kawlram khuapi Yangon cu an rak chuah tak na in cu hna lak ah an tan tak mi hna hi a tu ah inn 20 bak an um rih i Yagon khuapi chungah cun Israel miphun hna nih Biakinn le Israel Thlanmual,Israel Sianginn zong an dirh tiah theih a si.
Cun,Israel miphun hna nih Biakinn an rak sirh mi cu a tu ah Kum 120 tluk a rau cang Yangon Pabedaan Myone 26 Street ah a um i a min ah Musmeah Biakinn tiah an kawh.hi Biakinn hi Israel miphun hna nih 1980 ah thinginn in an rak sak mi a si i,cu tlawnpal ah a rak kang.cu hnu ah a thar in an sak t’han mi a si.a Biakinn chungah Bible 126 an chiah tiah an chim.(a tang teah link kan chiah mi hi rak hmeh piak law a video in rak zoh)
https://www.facebook.com/shwecanaan/videos/540435350098005/?t=117
Cun,Yangon Pabedaan Myone 26 Street hrawng cu hlan deuh minung hna nih cun a tu tiang hi Israel sang(veng) tiah an kawh phah nak a si.1920 lio i Yangon khuapi chungah Israel miphun 3000 renglo a rak um mi hna nih Yangon an rak chuah tak t’han nak a sullam hi 1945 ah Japan pawl hna nih Yangon khuapi chung um Israel pawl hna cu England ram caah ramngiatu an si tiah a rak phomh hna pin ah 1962 lio ah khan kawl miphun hna nih kan ram mi an si lo ti in an ngeihchiah vialte hna cu ningcang lo in an rak chuh dih hna ruangah an kir t’han nak hi a si tiah an chim.
Japan nih zei maw zat hna cu Yangon khuapi chungum Israel miphun hna cu a rak thah hna.cu an thah mi hna cu an mah Israel miphun nih ruak vui nak an i tuah ning tein zei maw zat hna cu ruak an vuita hna.cun, Mingkalay tawngnieh Myone, Kandawlay saklam veng 91 Street ah a um mi Israel miphun hna cu an mithi hna an i phun nak hmun (Yeway thlan) tiah minsak a si i Kawl cozah zong ni cu hmun cu Israel tlan a si tiah a cohlan hna tiah an chim.
Credit: chinfuture
