Khah Tuchun Hakha Le Thantlang Karlak Mizei Hmanh Khualtlawng Lamle Mi Um Lo Ding

Tu ni September 4.2021 cu mizei hmanh Hakha le Thantlang karlak mizapi nih khual tlawn le lamle mi kan um rih lo ah a tha bik.zeicatiah a tu hi Hakha le Thantlang karlak ah bomb thawngpang le meithal puah thawngpang a leng/theih peng a si caah mipi kan him nak ding caah mi zei hmanh um kal lo ah a tha bik tiah ralrinnak pek an si.

Thawngpang dang: Dawtmi Chin miphun nulepa, u le nau hna,Atu lio kan ram dirhmun le kan miphun nih a tonmi harsatnak vialte cu chim than hau ti loin zapi nih kan hngalhfian cangmi a si ko. Riantuannak bu phun kip in siseh, pumpak in siseh, Myanmar chung um kan miphun Lai khat, sempi unau hna caah le miphun ca riantuantu hna caah ruahnak, thinlung le chawva in tampi nan pekchanh cio cang ko hna.


Sihmanhsehlaw, harsatnak le herhbaunak tampi lakah kan miphun caah tiin pumpek in rian a tuantu hna nih an herh ngaimi thil pakhat cu an i hruk-aih ding le danh ding thilthuam hi a si. Cucaah, hi an herhmi pakhat a simi thilthuam zalhnak caah kan si khawh tawk cio tein kutsamhnak ngei cio hna u sih tiah kan in sawm duh hna.


Hi bawmhnak tangka kan hmuhmi cu a ran khawh chungin CNA lei tawlreltu upa hna sinah kuat khawh kan i zuam lai. Cun, nan pekchanhmi tangka cazin le umkalnak zong a tlin khawh chungin tuah khawh le thanh khawh kan i zuam lai.

Tawlreltu;
Salai Robert Ngun Sang
Salai Khup Hlei Mang [June Amang]