Khah Tuzan Tiang Chinram Falam Khuapi Ah Ralhrangbu Motor A Phan Cangmi Sawmsarih An Tling Cang

Tuzan tiangah Chinram kulh Falam khuapi chungah ralhrangbu motor a phan mi hna hi a dih lak ah motor 70 tluk an phan cang tiah theih a si.hi konghe pehtlai Meifar thuthang media nih a tarlangh nak ah cun tuchun/tuzan tiangah Chinram khuapi Falam ah ralhrang motor a phan mi hna hi micheu nih cun motor 70 tluk an si tiah a chim mi an um i micheu nih cun 61 an si tiah an chim.Tuchun in tuzan tiang ralhrang motor Falam ah a rak phan mi hna cu khua lak ah cawmbual lem lo in Falam khuapi chung ralhrang sakhan a si mi Vankau ralhrang sakhan ah an lang thluahmah tiah theih a si.cun tuzan a rak phan thar mi hna motor lak ah ralhrang palek uniform ai hruk mi hna hi minung 100 renglo mipi nih kan hmuh khawh hna tiah an chim.ralhrang zei maw zat hna cu Falam khuapi chung hmun kip ah um hmun a rak khuarmi zong tampi an um ve t’hiam tiah theih a si.

Relchap:Tuchun, zanlei sang suimilam 4:30Pm bak khan Falam um cheukhat ralhrangbu Khalayah 268 ralkap pawl hna cu an motor 32 khat te in Chinram khualipi Hakha cu an fuh cuamah t’han tiah theih a si. ralhrangbu Khalayah 268 ralkap pawl hna nih motor an hman mi hi an mah ralhrang motor a si caah motor pakhat chungah ralhrang minung 30-40 karlak a phur khotu motor tam deuh hna an hman tiah theih a si.

A mah belte Khalayah 268 ralkap hna lak ah hriamnam tihnung raltuknak Tank tibantuk pawl hna cu hmuh a si lo.Falam khuapi ah hmunkhuar mi ralhrang he hna he an i fonh zumh a si.Chinram kulh chungah Min Aung Hlaing nih a thlah cuahmah mi hna ralhrang pawl hi an milu in theih khawh an si lo na in a vuaktlak cun minung 800-900 leng an si lai tiah zumh cio a si.

Nihin Hakha le Pawngkam Ah A Chuak mi Kahdohnak Nihin zingka 9: 30 in Hniarlawn thar khua, Hakha pawng ah ralkap le CDF kar kahnak a chuak i Khuami thar deuh cu an zam dih, a zam manh lo mi minung pali an tlaih hna.Hi kahnak ah a Kawl ralkap a tlawm bik minung 4 in 6 karlak an thi lai tiah kahnak ah aa tel mi sin in kan theih.Nihin ah Falam in Hakha lei ratnak hmun khat ah siseh, Hakha in Falam lei a kal mi SAC le CDF zar zanlei sml 4: 00 tiang a chuak rih tiah kan theih.

Author: Salai Ephraim