Khrihfa Kan Bible Nih A Chim Mi Cheukhat Hi Chin Miphun Ca Si Ah A Ve Rua Lo Hih

“A Tu Khrihfa Kan Bible Nih A Chim Mi Cheukhat Hi Chin Miphun Ca Si Ve Rua Loh E !Pathian nih khamhnak cu a fapa,”Jesuh khrih in a tuah i,Jesuh cu vawlei misual mi vialte kan caah a thi in a tho tthan ti a zum mi paoh cu zungzal nnnak kan ngeih lainak kong cu,John 3:16 ah siseh a dangdang ah tampi a ttial mi cu a ttial mi cu khamhnak kong le kan sual ngeihthiamnak kong ahcun minung kan dihlak caah a si ko ti hi zumhloawk ttha lo in a dik mi a si.

Sihmanhselaw,Miphun dang kut in lutnak kong ai ttial mi hna le miphundang sal in luatnak hna,cun,miphundang sal i an tang lainak le,Miphundang sal i an taannak chungin a chanhchuah tthan lainak hna kong a ttial mi pawl hi rel le ruah lengmang tik ah siseh,Thlacamnak he kan miphun nih kan tuar ning le Khrih a zumlotu hna kuttang i kan um ning kong hna.

 

Cun,Nan leiah ka dir,kan bawmh hna lai,nan ral cu kan tei piak hna lai,Rangtum tthawnnak le hriamnam ruangah a si lai lo,keimah nih kan bawmhnak hna thawngin a si lai ti te hna,raltuk i an ral a tei piak lainak kong te hna hi ruah lengmang tik le kan miphun nih kan temtuar ning le miphundang sal i kan um ning le kan chuah khawh lo ning te hna le,a tu zong hi kan miphun hna nih ralhrang he i kah dohnak zong thla kan cam lengmang ko nain kan miphun nih thihnak an ton tthiam ning te hna ruah lengmang ah hin,Raltuknak le vawlei minung hna sal i chuahnak ding kong ah hin cun,Chin miphun hna kan caah ttial mi a si lo hlah maw ti hi ruahloawk ttha lo khi a si.

Asullam cu,Heh tiah rawl a ul kho mi nih kan ram le miphun caah rawlulhnak in thla an cam hna i,culawng si lo in nichiar te in pumpaak in siseh,cun khrihfabu i pumhnak paoh ah kan ram le miphun nih luatnak kan hmuh khawhnak ding le kan ral kut i kan luat i kan him khawhnak dingah thla kan cam cio i,Chin miphu caah hi ral kut in chuah khawhnak le a kan chanhnak ding a si ahcun a kan leh cang hnga i,kan miphun nih kan luat diam cang hnga.

 

Siangpahrang Hezakiah a thi ding mi hmanh kha thla a cam i dahkaw kum 15 a nunnak a chap ko kha awh.Cun,Moses nih Pathian kha a hal i ri lisen hmanh kha cheu 2 ah aichuah.Cun,Josua te nih khan Jerikoh kulhnak zong kha an hel i a cimhter bak ko khah.Ziah Chin miphun kan caah raltuknak le miphun dang sal i kan chuah khawhnak ding kongah kan miphun caah siselaw kan thlacamnak a theih bal ne hnga lo ti hi,ka ruat.

 

Note:Pa Pathian sin kalnak lei le Khrih Jesuh nih a kan khamhnak kong ahcun ka ti hrimhrim lo hih.Kan miphun,miphundang sal i kan um peng mi kong i kan thlacamnak a tutiang rih ah hm ual a ngeihlonak he pehtlai in ka ttial mi a si.Kai lawm.

Credit:Tinduh Thang