Khrihfa Tampi Nih Jesuh Muisam Kenginn Sermi Photo Kan Itar Mi Hi Milem Biak A Si Tiah Na Cohlang Kho Maw?

Mah hi konghi ruahlo awk a t’ha lo mi bak a si.Siasal biaknak konghe peh tlai in Jesuh Hmanthlak Zohnak Group ah cun hi tin an langhter,”JESUH HMANTHLAK taar i Upatnak kan pek mi hi Milem Biak bangtuk asi tiah na ruat bal ve maw?? Thuak deuh in Ruah caan a cu cang!!! Krihfa tampi nih cun Milem Biak (Idolatry) asi tiah an ruah cang. Nang zeitin na ruah ve? Kan fa le kan Generation caah a tha lai lo. hlawt ah a tha ko tiah ka ruah.VAILAMTAH (CROSS) tu hi Krihfa hmelchunhnak le Krih kan philh lo nak ding caah Kan Sign asi i Taar deuh hna usih law a tha lai”tiah ka ruah.

 

Biachap: Jesuh hmanthlak kongah hi tibantuk ruah nak a hung chuah mi cu ruahlen awk ngaingai a si.zeicahtiah kan chan hi a dang lawng peng ve bantuk in kan Biaknak zong hi a dang lawng chin ve leng mang.si hmanh sehlaw Khrihfa mi hna nih kan Biakmi Sertu Pathian cu a dang lam bal mi a si lo.tuchun, nizan,thaizing etc..zei tik caan paoh ah aa khat pengmi Pathian a si ko.

Amah belte Sertu Pathian kan Biaknak konghe pehtlai in chanthar mino le a hrint’han mi,mi tampi hna nih cun an Inn cung a si lo ah Biakinn ti bantuk ah Jesuh muisam kengin zuk suaimi hmanthlak pawl hna kan i tar mi hi ruah setmat ah cun a ningcang deuh hrim loh. siasal biak phunkhat a si.zeicahtiah cu Jesuh muisam kengin zuk kan suai mi cu thih ngamh in upat nak an pek na in Sertu Pathian( mit)in hmuh khawh lo mitu kha a philh mi tampi an um cang.

 

Acunglei biahalnak hna hi nang te zei tin dah na ruah? hi kongah na ruah nak le na hmuh ning t’ha tein rak fianter ve tuah?Jesuh muisam keng in sermi zuk(hmanthlak) cu kan i tar awk a si ko na ti lai maw? kan i ser awk a si lo tiah dah na ruah ve?