Kalay peng Chantagyi khuapi chungah khuasa mi Pu Do Khan Pau le a thaizung Nu Cin Cin Cing te nupa cu kum 1010 lio in 2019 chung,tu ni tiang bak Khuachia (Mithla)nih an um nak inn ah um awk t’halo bak in a dehdai peng hna tiah an chim.Pu Do Khan Pau le a thaizung Nu Cin Cin Cing te nupa hi Fa ngei kho lo mi an si tiah theih a si.Kum 2010 lio ah khan ruahlo pi in an um nak an mah inn chungah in tuksum thawngpang t’ihnung le minung aihram thawng bantuk hi rak theih lengmang a si bal cang na in a inn ngeitu minung an si lai tiah rak ruah a si cang.cu ti cun caan saupi a hung liam hnu ah thil sining cu Pu Do Khan Pau le a thaizung Nu Cin Cin Cing nih an chim tik ah inn zong chuahtak ngamlo in kan tuar peng.a caan ah cun Khuachia nih a vuak zong a kan vuak tawn tiah an chim.
Chantagyi khuapi um Tlangval zei maw zat nih Pu Do Khan Pau te Nupa cu an inn ah an riahpi hna i,Khuachia (Mithla) cu an t’hawl piak hna tik ah Khuachia cu a thin a hung chin i,a t’hawltu tlangval pawl hna zong cu Minung kut a si t’ung i a(ting) a sau pipi nih an hmai ah a bengh hna tik ah a taksa ngaingai le hmuh khawh t’unglo in Khuachia nih cun a leh hna caah mi zei hmanh nih an t’hawl ngam ti lo tiah an chim.Pu Do Khan te Nupa nih an chim ningah cun Rawl kan chumhnak BALL le kheng le kan Vok rawl chumhnak Ball tibantuk pawl hna zong a tu le a tu in Khuachia nih a kan lak piak,zaan ah it kholo bak in a ka ti hram i zankhat cu Khuachia cu mei in kan i khang lai tiah kan hro i Mei cum duah dingin kan hrocer cuahmah lio ah kan tai in a ka cawi i um har phen ah a kan hman tawn.inn chuah tak in hmun dang dang kan riah zongah mi theih lo in kan mah Nupa cu heh tiah a rak kan ti hram peng rih tiah an chim.
Hi thil konghe pehtlai in Chantagyi khuami upa hna nih an chim ningah cun a hlan lio ah hin Pu Do Khan Pau te Nupa nih Vok rawl dingah Banluang a rak hau/lak i Banluang kung cu Cirh le Cirh karlak ah a um mi a si.Vokrawl caah zei theihlo in a rak hau mi Banluang cu Cirh lak ah khuasa mi Khuachia(Mithla) pawl hna inn cung cih nak rak siseh law sidawh a si.cu ri thok in Chantagyi khuami hna ning tuksum thawngpang le Khuachia (Mithla) thawngpang hi kan theih tiah an chim.
Pu Do Khan Pau cu a t’ha ngai na in a Nupa Cin Cin belte cu khua maw caan ah mah le mah i hngal lo in a um tawn i,a caan ah cun a chiat’ha chungin thihnai bantuk le thilnung tete hna zong an chuak tawn tiah an chim.an Nupa in Pathian lei ah biatak tein an mer hna i Campaign he crusade chimh cawn piak zongah a tu tiang cu zei san hmanh a tlai hlei lo tiah an chim.a neh hnu ah Vokrawl an lak nak Cirh hmun ah cun ngeihthiam halnak zong an tuah ko na in zei hmanh san a tlai hlei lo tiah an chim.Pu Do Khan Pau nih cun a Nupi cu zoh har taktak in Letpanchawng, Chantagyi khua hauka bak ah a tu hi zoh har taktak in khua an sa ko tiah an chim.
Credit:Pahrang Sunthang
