Khuatlai Hnu I CDM A Lut Mi Hna Hi Bawmchan Tu Le Zohkhenhtu Caah Rianhar Men A Si

CDM alut cang mi saya/ma te an tam pi ko cang i atu hnu hna i CDM luh hi cu bawmchan tu le zohkhenhtu caah rianhar men asi. CDM min si lo in aa phuak mi cu i phuak ko hna seh law tha deuh.CDM alut cia cang mi hna hmanh thathi in kan zohkhenh khawh hna lo si kaw, atu hnu i CDM lut mi cu zumh ding zong asi loh.

Atu hnu CDM lut mi Ka lunghrin mi: Ralkap nih lahkhah an pek khawh lo ruang lungdongh in CDM lut mi an si kho. Cucu mipi dawt ruang asi lo.Civil war tih ruang ah luatnak fangfang in CDM lut mi an si kho. Cucu mipi dawt ruang si loin mah nunnak ca lawng ruuat mi asi thiam thiam.Ralkap caah spy a tuan mi asi kho. Tuan tein mipi, CRPH le NUG nih anemnak in nawl le sawm len zong i CDM lut lo i atu ceo i CDM ka lut atimi cu spy tuan duh ah asi kho.Credit: Lai Ram Laipa fb cahmai.

 

Relchap: Ralhrang uk duh lo mi hna le democracy duh mi hna hmunkhat ah fon in ralhrang nawl ngeihnak doh ding ah phu an dirh.Ralhrang uk duh lo mi hna le democracy duh mi hna hmunkhat ah fonh in nihin August 12 ah hramhram nawlngeihnak la tu ralhrang uk doh nak ding ah mipi phu(PAFD) an dirh tiah theih a si.

Ralhrang uk doh nak ding ah mipi phu (PAFD) ah a tel mi hna cu ralhrang phu nih nawlngeihnak an lak thok in ralhrang uk duhlo langhter lamzawhnak ,CDM , Defense, kahdohnak hmunkip le a lamkip ah a tel mi hna an si tiah theih a si.

“Phu dirh nak cu a sau cang ,nihin lawng ah phungning in langhter a si.Tuan ahcun theihter lo in um kan timh ko, atu ahcun bawmhchanh kan herh ve caah le pehtlaihnak kan herh caah phungning in kan thanh mi a si” tiah ralhrang uk doh ding in mipi phu(PAFD) chungtel pakhat nih a chim.“Cu phu hna he hmailei ah dalan minung thianhnak ding, ralhrang phu hna lamkip doh ding in cawlcanghnak pehtlai in tuah ding kan ngei tiah a chim chap.

Ralhrang uk dohnak ding ah mipi phu dirh mi (PAFD)nih Sagaing ramthen le Mandalay ramthen hna ah a hlei in cawlcanghnak an tuah lai, hmundang ramthen le ramkulh he pehtlai in riantuan ding ah timhtuahnak zong an ngei tiah theih a si.

Source: Mizzima