KIA Umnak Myanmar Army Pawl Nih An Chuh Hna

Nizan cacawn nithumni ah kawl ralkaap pawl nih an chimmi cu, Kachin Independence Army (KIA) pawl umnak hmun sarih hmun riat hrawng cu kan laak cang hna. Hibantuk in kan laakmi pawl hna hi Shan state thlanglei kam ah an umnak hmun pawl an si. April ni 30 tiang ah khin cun an umnak pawl hi kan laak dih te lai, tiah RFA thawngzamhtu sin ah an thanh.

Tuandeuh remdaih khuakhannak (remh chunhnak) rak tuah lio ah khan Tatmadaw lei nih cun December 21 in April 30 tiang hi cu Kachin le Shan states chung hna ah tuk-kah nak umlo ding in rak ti a si. Asinain hihi kap khatlei lawng khuakhaannak a rak si.

Kachin Independence Army (KIA) pawl umnak an laakmi hi kan hnu April 21 in thokmi raltuknak ah khan a si. Nithum chung tuk-kah nak a um hnu ah a tu bantuk in an umnak laak an si hi a si, tiah an chim. Hi an laakmi hmun pawl hna cu, Shan State thlanglei kam ah a ummi Muse district, Mongpaw khuate pawng ah a ummi an si. Hi hmun hi China Yunnan ramtthen ramri pawng ah a ummi an si, tiah an chim chih.

Kawl Ralkap Nih Kachin Ralkap Sakhan Lian Taktak Mi An Lak Ning Cu Khuaruahhar Ngai A Si

Tatmadaw ralkap pawl hna nih Kachin Independence Army ralkap Headquartes lian taktak mi cu an lak piak t’han hna.kawl ralkap nih Kachin Headquartes an lak piak mi hna hi Kachin ralkap tampi an um nak hmun Battalion No. 36 a si.kawl ralkap nih nithum chungbak pehzulh peng in an kah hna hnu ah an lak mi a si tiah an chim.

Kachin Independence Army nih a chim nak ah cun nithum chung kan i kap hnu ah kawl ralkap nih hriamnam t’ihnung he hmunthum bak in an kan kah peng caah kan Headquartes a si mi Battalion No. 36 hmunpi cu chuahtak lo awk a t’hatlo caah April 22 zanlei suimilam 5:10 hrawngah kan chuah tak i kawl ralkap nih an lak nak hi a si tiah an chim. Relchap>>>>>>>>>>http://www.worldnewsforchin.com/kawl-ralkap-nih-kachin-ralkap-sakhan-lian-taktak-mi-an-lak-ning-cu-khuaruahhar-ngai-a-si/

Author: Salai Ephraim