Kim Jong-un Nih Putin He Tonnak An Neih Khawh Bak In US A Hro Than Colh

Tu hrawng hi North Korea le United States hi an i hmuthiam lo ngaingai hoi cang. President Trump le Kim Jong Un hna hi pumpaak in an i pehtlaihnak cu tthan ngai ko. Asinain US aiawh in palai ah thlahmi Secretary of State Mike Pompeo hi an cohlang kho lo ngaingai.

Kim Jong Un nih, US he i chawnhbiaknak hi 2019 kum dihlei tiang ah cun a tlamtlin a hau. Cuti a silo ah cun North Korea hi zeitik hmanh ah kan kir tthan ti lai lo, tiah fiangte in a chim. US Secretary of State Mike Pompeo nih, “North Korea nih nuclear hriamnaam kong ah an cawlcangh ning an thlenlo ah cun Washington nih kan hawih ning kan thlen cang lai”tiah a chimmi an lehnak ah an chimmi a si.

Mrs Choe nih, North Korea nih hin kan duhnak lei paoh kan hoih ko lai. Cucu kanmah nawl le duhtimnak a si ko. Kan duh le hnu lei ah kan i thawn lai i hmailei zong ah kan kal ko lai. Zei lam dah kan zawh lai ti cu kan hngalh ko. Asinain American nih hin donghnak an ngei ti hi an i theih a herh, tiah a chim.

President Vladimir Putin le Kim Jong Un tonnak an ngeih hnu ah a voi khatnak North Korea an van holh tthan cang.  North Korea vice Foreign Minister Choe Son Hui nih, US nih an kan nawrning hi a thlenlo a si ah cun i ruahlo ning zong in rian a ttuan thut kho ding in timhcia kan si, tiah a chim.

Author: Salai Ephraim