KNU Nih Ralhrangbu A Kap Cuahmahtu Hna Caah Thawngpang Tha Ngaingai Cathanh A Chuah

Thawngpang Tha Ngai Ngai A Si.KNU Concern Group Nih NCA Remdaihnak Minthut Pi Cu A Dih Cang Tiah Cathanh A Chuah.NCA remdaihnak minthut ah tlangcung hriamtlai 8 nih kum 2015 ah min an rak thut i kum 2018 ah cun 10 nih an rak thut bal. A tu ban tuk in ralhrang nih uknak an laak hnu ah CNA/F nih cun NCA remdaihnak minthutnak ah kan i tal ti lo tiah cathanh an rak chuah bal cang tiah theih a si.

September 2 ah KNU Concerned Group zong nih NCA remdaihnak minthut mi cu a dih cang tiah cathanh an chuah. Hi cathanh an chuahnak he pehtlai in ralhrang hna nih phung le phai an buar mi, media rian tuantu, politics minung le NLD party lutlai deuh hna cu tlaih le thongthlak an sinak pawl zong an chim len.

KNU cu tlangcung hriamtlai ah a ngan lei pawl an si, a thawng pawl zong an si caah a tu bantuk in NCA remdaihnak minthut mi a dih cang an ti tik ah kan i tal ti lo te he khin ai dannak pakhat hmanh a um ti lo.

NUG dirh mi tu ah hin mipi le tlangcung hriamtlai i funtom ko hna uhsih tiah mipi thazaang zong an pek hna tiah theih a si. PDF le Tlangcung hriam tlai lungrual tein kan i bawmh a siah cun ralhrang pawl hi an hram in kan bawngh khawh hna lai i kawl ram pi hi Federal Democracy ah kan ser khawh lai ti zong ah mizzama new ah an chim.

Credit: Chin News Update