KNU Nih Zeibantuk Hriamtlai An Si Zongah Ralhrangbu Uknak A Dohtu Paoh Cu Ka Cohlan

Nawlngeihnak lak a duhlo mi phu poh he hi uknak thalo hi kan dohti lai tiah KNU nih a thanh. Hramhram in nawlngeihnak an lak mi a duhlo mi phu pohpoh he hi uknak thalo hi kan dohti lai tiah KNU nih September 4 ah phunglut in an thanh.

“Federal le democracy thazaang thawnter ding ah fek tein kan dir i hi uknak thalo a dotu asiloah a duhlotu zeibantuk phu pohpoh he dirti in kan dohti lai,” tiah KNU nih an cathanh ah an tial.

SAC ralkap pawl tuahtonak in i runven nakding ah bawmh a herh mi hna cu mizei an si hmanh ah a si khawh chung in bawmh ding, ramchung ral a hram dothlat ding, adikfel mi remdaihnak pawl kong ah lam dang kawl in tawlrel ding tibantuk zong an tialchih.

Rammi mizapi zong nih zalongte le tlukruang tein mah le tikhawhnak zawn cio in tha zaang chuah cio ding forhfialnak cathanh an chuah.

Credit: Laica + The Hakha Times