Kum Hra A Rauh Ahcun Kawlrampi Hi ASIA Ram Ah A Sang Bik Kan Si Cang Lai

Nizaan september ni 22 ah SAC ralhrang bawizik a si mi Min Aung Hlaing nih biachimnak a ngei i caan rauh hlan, a tu hnu kum 10 chungah cun myanmar ram nih Asia ram hi kan lonh dih hna lai tiah a chim. Uknak hi keimah ka pe u law tha tein ka cohlang ulaw a rauh hlan ah cun kanram hi ram thangcho pakhat ah ka sersiam lai tiah bia a chim.

A luancia mi thlakhat zongah mipi sinah biacahnak a tuah i a tu hnu kum 5 chung uknak nan ka pek i kan hruai hna ahcun pumpak pakhat nih motor tha le inn lo tha an ngei kho dih lai tiah biachimnak a rak ngei cang.

Uknak kan lak mi hi nan duh lo ti kan hngalh ko a sinain kan ram sersiamnak caah caan tawi te uknak kan lak hi a si i, mipi nih kan buai hnawh hlah ulaw a rauh hlan kum hnih ah thimak kan tuah lai i, nan duh mi cozah nih a kan hruai than ko lai tiah chimnak a ngei. Mipi nih kan do ti hlah ulaw nan duh mi hi tling tein kan in tuah piak ko hna lai tiah a chim chap.

Author: Salai Ephraim