June thla 2 zaan ah tuah mi Kawlram,Miss Queen Empire Myanmar muidawh zuamnak ah Halkha khua um Kalay Myo ai-awh in zuam nak ah a chuak mi Mai Zing Dawt Cer nih pakhat nak Winner a kan lak piak i laksawng phun 4 bak a kan lak piak khawh tiah kan theih.
Cun Mai Zing Dawt Cer nih Miss Queen Empire Myanmar muidawh zuamnak ah pakhatnak laksawng a hmuh mi pin ah phun dang ngaingai in laksawng pathum a lak mi hna hi a pakhatnak ah i t’emh a thiam lei ah le Miphun thuamthil, ithuam ning ah le Mipi lung a tong cem mi laksawng hna an si.
Mai Zing Dawt Cer nih nih hi Miss Queen Empire Myanmar muidawh zuamnak ah laksawng a hmuh mi konghe pehtlai in a chim mi hna cu,”a ka hringtu ka Nu le ka Pa nih thlaza an kan cawm piak nak ruangah le a ka dawt i thazaang a ka petu hna vote a la petu hna an dih lak thawng in a si caah nan dihlak cungah lunglomhnak chim cawk lo ka nei”tiah a chim.
Cun 2019 Miss Queen Empire Myanmar muidawh zuamnak a tuahtu hna le a tawl reltu hna hi Myanmar Universe Academy Pageant Production hna nih an tawl rel mi a si tiah an chim.hi Muidawh zuamnak ah hin Kawl ram chung hmunkip in Ngaknu minung 18 an i zuam kho.cu hna lak ah cun Mai Zing Dawt Cer nih pakhatnak laksawng a kan hmuh piak khawh tiah theih a si.
