2020 ithimnak cu a nuam bak lai hi.a ho party nih dah a tei nak a hmuh te lai? USDP Chairman nih cun 2020 ithimnak ah tei nak kan hmuh hrimhrim lai.a bik in Chinram kulh vialte kan lak dih lai tiah a chim.NLD zong nih teinak kan hmuh hrimhrim lai tiah a chim.CNLD zong nih teinak kan hmuh khawh ko lai tiah an chim ve.kawlram sersiam nak ding ca le ram t’hancho nak ding caah cun USDP nih teinak kan hmuh hrimhrim a herh tiah a chim.
Cun,2020 ithim nak hi party dang hna nak in USDP caah caan t’ha an kan ser piak a si.curuangah cun party dang hna nak in USDP nih teinak kan hmuh khawh hi a herh khun tiah USDP Chairman U Than Htay nih cun Naypyidaw i Headquarter ah ton biaruahnak an ngeih nak hmun ah a chim.Ram t’hancho nak ding ca le remdaihnak a um khawh nak ding caah cun USDP nih tei nak kan hmuh hrimhrim a herh.USDP nih teinak kan hmuh a si ah cun rampi a t’hangcho hrimhrim lai tiah a chim.
USDP Chairman U Than Htay nih an party konghe pehtlai in hi bia a chim mi hi Sep 14 ah khan Central Committe ton biaruahnak an ngei i cu lio ah cun hi bia hna hi a chim mi a si.USDP Chairman U Than Htay nih cu tei nak kan hmuh a si bak ah cun Kawlram cu ramdang level bak in cikhat ah sersiam khawh dih kan i zuam lai.Kawlram cu ramdang level in ser dingah thil har a si lo.a mah belte 2020 ithim nak ah tei nak kan hmuh ta a hau tiah a chim.
Kawlram hi ramdang level in a um khawh nak ding caah tlinlo nak zei hmanh a ngeilo.cun, Kawlram hi zei ruangah dah ramsang level in a um kho tuk mi a si ko na in tuchun tiang ramdang level in a um khawh lo tiah cun hruaitu hna cungah a dirmi a si.kan nih USDP nih teinak kan hmuh a si ah cun Kawlram cu a dir nak ding le a sining ding ah kan chiah lai.cucaahUSDP hruaitu hna lungrual tein rian kan t’uan a herh tiah a chim.hi bia a chim ah hin Central Committe chungtel minung 301 an um.USDP hi Ralkap uknak in Democracy kan hmuh khawh nak ding caah 2010 lio i teinak a rak hmutu hna kha an si na in 2015 ah an tla t’han.
Credit: Free
