Kum 1989 lio in CNLD a rak dirh bal tu CNLD hruaitu Pu Ngaisak nih si kho sehla tiah a chim mi cu kum 2020 ah Chinram cungah cun CNLD nih teinak hmu sehlaw,Kawlram tu ah cun NLD nih teinak hmun ve seh.CNLD le NLD hna cu policy a khat in kan kalpi lai i Kawlram pumpi cu kan uk lai tiah a saduh thah mi cu a si.asinain Democracy ram ah Rampi dihlak in Party pakhat lawng nih teinak a hmuh a si ah cun Miphun tenau deuh hna caah t’ih a nung tak tak, cucaah NLD lawng si lo in CNLD he Ca buai pakhat cungah rian kan t’uanti a herh hringhran tiah a chim.
Cun, CNLD nih hin NLD lawng si lo in mi zei hmanh huat mi le doh kalh mi kan ngei hrimhrim hna loh.cu ti bantuk in USDP zong kan hua in kan doh fawn hna loh.Federal a tuah duhlo mi Party cu zei tik hmanh ah CNLD nih pehtleihnak a ngeihpi hna lai lo.1988 kum lio in Federal State tiah biatak tein a rak au khuang tu NLD lawng an si ruangah NLD he rian t’uanti dingin CNLD nih kan duh hna tiah a chim.”mah ka zawn te i a chim duh mi hi a chim ningin thil a si khawh ah cun NLD cu CNLD nih a hruai khawh lai ti deuh a hoih” ko rua.
CNLD nih hin kawl miphun hna zong a doh in a hua hna lo,Rakhine miphun le Miphun dangdang hna zong a hua hna lo.asinain Chin miphun a doh daltu hna cu mi zei an si zongah CNLD nih a doh dih hna tiah a chim.CNLD nih Chin pasrt sinak a co khawh taktak a si ah cun kawl party hna he i neih niam ngai in rian t’uan le um kalt’i cu kan i timh mi a si hlei lo.rian t’uan nak lei ah kan hman dingmi policy lawng in kan pehtleih hna lai.kan mah ram le miphun lawng kan uk lai i,kan ram cu Federal ram ah ser dingin Pukmah 261nak cu remh dingin mipi hna kan chim lai tiah a chim.
Pu NgaiSak nih hin 1989 kum ah Pu Ram Ling Hmung le Pu Lian Hmung Sakhong hna he CNLD party cu an rak dirh bal cang.asinain CNLD party hruaitu hna lak ah sinak sang cem tleih cu Pu Ram Ling Hmung nih a rak i tim.Pu Ngaisak nih CNLD chungt’uan rian a rak tleih.cu tik ah 1989 lio in Pu Ram Ling Hmung hruaimi CNLD cu NLD hna he rian t’uan nak Policy lei ah ipehtleihnak an rak ngei bal cang.a tutan ah a saduh thah mi(a chun mang) hi hei tling sehlaw a chim ning bantuk hin thil a si kho taktak hnga maw? ti hi ruah awk tampi a um ko.
Credit:chinfuture
