Chin ramkulh thimnak committee phuthen le Hakha university um 2020 thimnak ah avoi khatnak mee a pe dingmi sianghleirun pawl mee pek ning kongkau cawnpiaknak cu August 22 zing suimilam 10 Hakha university ah an tuah tiah kan theih.Vawlei pumpi uknak tuanbia kan zoh tikah uknak hi a phunphun aa thleng lengmang mi kan hmuh. Cu ve bantuk in kawlram zong ah siangpahrang uknak chan in aphunphun in aa thleng lengmang ve.
Cu ti a si hnu ah 2010 tawk in party kip democracy chan tiin cozah lei nih rak kal pi a si. Cu party kip democracy chan ah cun rampi uk tu ding ah mizapi nih mee pek in thim an si. Cuti cozah lei nih rampi uktu ding ah thimnak a tuahmi cu ramkomh thimnak commission tiin an tuah. Cu a tang ah cun ramthen le ramkulh tiin commission a um than, peng kip le khuate kip tibantuk in an um fawn. Cu caah mee pek tikah zeitin kan pek lai timi cawnpiak ding ah tu bantuk in kan ratnak hi a si” tiah ramkulh thimnak commission phu then in Chairman Uk Nawl nih tonpumhnak ah a chim.
Tu lio mino hi hmailei uktu ding nan si caah zei zong te hi nanmah cung ah a um dih. Chungkhar lei in siseh, ram lei siseh, khirhfabu lei in siseh bochanmi nan si. Mino nan zapi, a voikhatnak 2020 thimnak tuah tikah mee pe kho ding dirhmun lawng te n si caah 2020 thimnak kan ram pumpi uktu hna thimnak ah hin nan zapi i tel khawh ding kan in sawm hna. Hi rampi uk tu ding le a tawlrel tu ding hna caah mee nan pek ding a biapi tuk. 2020 thimnak ah mizapi nan i tel lawng ah hi thimnak cu tlamtling tein kan tuah lai” tiah a chim chap.
Hi mee pek ning cawnpiaknak cu tu hi a voikhatnak Hakha University ah an tuah i hmaizarh lei ah a dang dang college ah cawnpiaknak an tuah than rih lai tiah kan theih.
Note:thlah cangmi a si na in theih a herh ko tiah kan vun thlah t’han mi tu a si.
