Vawlei cung ram vialte konghe petlai in thil sining, ningcang tein rian a t;uantu hna le thil sining/umtu ning thawng zamh tu hna kongah Geneva Press Emblem Campaign nih cun hi tin a chim.kum 2019 January thla in June thla tiangah vawlei cung ram sining le umtu ning kongah thawngzamhtu hna cu minung 38 thah an si cang tiah a chim.cun, thawnglatu an thah mi hna pawl hi ram 20 chung lawngah a cangmi a si tiah an chim.
Cun, an thah mi hna thawnglatu pawl hna nih vawlei cung ram vialte chungah i thahnawn nak an rak t’ial mi chungah cun kum 2018 nak in 2019 chung ah i thah nawn nak cu 42% tluk in a zor deuh tiah an chim.cun a tu lio ah hin vawlei cung ram dihlak ah thawnglatu hna cu um dih a si i,cu thawnglatu vialte hna lak ah cun Mexico ram thawnglatu hna le Afghanistan ram thawnglatu hna hi an nun nak a him lo cem tiah an chim.
Cun zei ruangah dah Mexico ram chung thawnglatu hna cu an him lo tiah cun Mexico ram chung um mi (Criminal -group) misual pawl hna nih an ram chung thawnglatu hna cu an ral hna i,thah dingin rian an t’uan leng mang caah a si.Mexico ram chungah hin July thla telhchih in thla ruk chung lawngah Mexico thawnglatu minung pa 9 bak an thah cang hna.a mah belte cu ram 20 chungah thawnglatu 38 an thih nak ram min an langhter lo.
Cu tibantuk t’hiam in Afghanistan ram zong a si ve.Afghanistan ram hi ralhrang um nak le len nak ram a si caah ralhrang le a cozah an i kah tuk nak ruangah Afghanistan ram thawnglatu mi tampi an thi cang na in Afghanistan ram chung um mi ralhrang le misual pawl hna nih thawnglatu hna cu an ralchan ve hna i thah dingin an zalh peng ve hna tik ah tukum thla ruk chungah minung pa 6 bak an thah ve cang hna.
PEC Secretary Blaise Lempen nih cun vawlei cung ram uk bawi vialte hna nih a tu bantuk in ningcanglo in thawnglatu an thih nak kongah zei hmanh rian an t’uan duh lo i,thawnglatu an humhim hna lo a si ah cun.vawlei cungah thil t’halo a karh chinchin lai.cucaah ramuk bawi pawl hna nih a theihlo bantuk in an i umter peng a si ah cun thawnglatu hna konghe pehtlai in phunghram thar a si lo ah thil pakhat khat kan tuah a hau lai tiah a chim.
Source: BBC