Lai Paih Heavyweight champion Laksawng Ah $5000 Lawng Nan Ti Ah Cun Pawpi Rung Lian Ceu Kan Hmu Kho Ti Lai Lo I A Poi Ngai Lai

Atanglei ah Lai Paih konghe pehtlai in an vun langhter ning in Lai Paih laksawng kongah an kalter i,an zulh a si ah cun mipi nih zoh le hmuh kan duh cem mi kan Lai pa Salai Rung Lian Ceu cu mipi nih hmuh a har cang lai ti nak a si. zeicatiah Salai Rung Lian Ceu nih a mah pumpak timeline ah hi tin a langhter,” Kei cu WPC hi an dir pi mi le, an i timh mi ka uar ruang ah mah hlan hin ka tel pi tawn hna. Mah hlan zong mi dang nih paih nan ka sawm ah kan tel pi kho bel hna lo. A sina in a ra lai ding mi cu $10,000 $15,000 nan theh nak hmun poh cun ka tel ve lai. $10k tang a si cun nan sia zong ka herh ve hlah uh. Mah hi Paih a tuah tu nan dih lak sin ah challenge kan pek ve hna. A pai mi lawng ma kan thang cho lai? Paih tuah tuzong thang cho ve hna seh”tiah a chim

Lai Paih A Uar Mi Nih Rel Ding .Kan lai paih hi a sunglawi chin lengmang cang ii kan kalpi ning zong hi biatak deuh in ruah le zoh fel deuh kan hau ko cang.A hlei in US um kan nau le an pumrua le an taksa zoh ah uar an um tuk hna, Ram dang um GYM ah a kal tawn mi taksa he tah chunh zong zah pi awk an si ti lo, A pai lo mi zong nih GYM kal athat ning an hmuh an theih cio i GYM ah kal cio an taksa zoh aan i dawh tuk cio ve hna.Kan lai paih ah kei mah pumpak siaherh mi tlawm ten vun langh ter ka duh mi cu kan nau le hi an ipaih tik ah a herh lo pi tiang in zulhphung kan ser piak deuh rua hna ka ti.

Taangkawp an dir tik ah an kepar le an khuk an paw te hna aan tongh ter mi hna hi cu luan deuh asi, Rumro in an tawvor le an ke te hna tiang tongh le bengh chih le rak te hna kutdong sawhchih zong an hau lo an taisawm in tleihchih le vunchih zong aa hau lo, A tu i ka rak thilh chih mi bantuk tiang hrawng hi aza ko, A can can ah cun paih tlangtla hi an/kan luan deuh pah tawn ve.Paih tlangtla nih tanh deuh mi ngeih hi tih a nung taktak mi asi, Tanh deuh mi kan ngei lo an ti ko nan a taktak ah an tuah ser nak in hmuh thiamthiam an si ko, A pai mi hi GYM an kal nak ah tangka tampi an dih cio, An can tampi an pek cio, Mah cu lak ii an ipaih tik ah paih tlangtla nih tanh deuh mi ngeih i khat lei pa kha fawi tuk in sungh ter te hna i ruah deuh ngaingai kan hau ko.

 

Si kho sehlaw kan nau le hi an ipaih lai ah thawnnak si an tawng maw tawng lo tiah test nak te hna tuah ah atha, Asi lo ah test nak tuah lo hmanh ah paih lei tuanvo ngei tu nih an ipaih lai nazi pahnih hrawng aa duh khin cun zoh le ngiat hna ah an tha, An hawi le an chungkhat zong an pawng ah um ter lo ding asi, A ruang cu thawnnak si hi aphun phun a um i ralrin deuh taktak cang ding zong aa can asi cang rua tiah ka ruah.Khelkhat tei hnu ah taangkawp a hau ti lo tiah kumruk hrawng rau ah ka rak tial bal i cheukhat nih cun nan zulh pah cang hna asi nan kan nau le paih hi zoh leng mang tik ah khelkhat tei hnu ii taangkawp um ti lo cu atha than lo aruang cu khelkhat tei tu pa nih khelhnih tei ding aa zuam duh ti lo a caan dih nak ding lawng a hngak cang i an paih zoh anuam than ti lo cu caah cun khelkhat tei hnu zong ah taangkawp hi aum ah atha bik ko tiah hlan lio ka rak tial bal mi kha kaa let than ve.

Heavyweight le Middleweight zong then hrimhrim ding asi, Tah chunh nak ah Uk Ling Thang, Rung Lian Ceu, Sang Hlei Thang, Biak Hmun Sang le Mang Ceu Lian ti bantuk pawl khi pawng 170 tang nih cun an mang hmanh ah an tei ti hna lai lo, Cu cah cun kan lai paih hi thangcho seh nuam seh ti duh ah cun Heavyweight le Middleweight cu then hrimhrim ding asi.Laksawng hi tampi a herh tuk rih lo, Atu chan cu Online chan le Facebook chan asi i nan thing kho hrimhrim hna lai lo, Cu cah cun Heavyweight champion $5000 aza, Pahnih nak $2000 aza ko, Middleweight champion $4000 le pahnih nak $2000 aza tuk ko, Zatlang bualco $1500 aza tambik tei $500 cun minung pakhat tei $20 cu aza tuk.

Kan lai paih hi US um mi caah hin cun kumkhat ah voithum leng hi cu kan tuah piak sawh hlah ulaw atha hnga.A sau deuh sual lai mah vial hin za rih ko seh palh sual mi le nan lung tling lo a um sual ah cun ka ngai thiam te sawh umu.Atang i paih tlangtla tu pa hi kei mah ka si.Kumsawmli cung paih a ngah ah cun ka chim ve te uh, Paih rih ka duh ko.

Credit:Lung Nawl Mualcin