Atu lio vawlcung hmunkip um Laimi kan lung a kan tuai ngaimi le kan zumhnak ah lung aw-t’awn ngai in a kan umter tu hi Khamhnak a tlau kho loh ti le khamhnak cu a tlau kho bak ti hi a si cem.online chung Ca reltu le bang hi cu kan in molhter dih deng cang hna lai dah.khamhnak kong cu kan mah le Pathian kan i pehtleih ning in vum chim cio hna usih law.Thiang thlarau nih khamhnak kongah fian nak a kan pek ning a dang lawng cio lai.
Laimi zumhnak lei ah kan Pa le,kan i rinh chan taktak mi hna zong nih Khamhnak kongah an vun chim ciammam tik ah an mah le Thiang thlarau an i pehtleih nak in le Baibal an cohlan ning cio in an chim phuan cio tik ah,micheu nih cun Khamhnak cu a tlau kho an ti,micheu hna nih cun khamhnak a tlau kho bak lo,minungtu nih kan thlau mi a si tiah an chim.cu cu vawlei kal ning in kan tuak ah cun ningcanglo thil cu a si hrimhrim loh.
Khamhnak kongah cun Sertu Pathiang lawng nih biachahnak a tuah khawh,zeicahtiah Khamhtu cu Sertu Pathian lawnglawng a si.minung nih cu bantuk minung cu HEEL ah na tla lai i,cu bantuk minung cu Vanram na kai lai tiah khamhnak konghe pehtlai in an kan cawnpiak awk a si lo.a hrin t’han rihlo mi tu kha a hrin t’han khawh nak dingin cawnpiaktu sidingah Jesuh nih a kan fial mi hi a si deh.
Cun, Khamhnak kong hi cu zumhnak lei kan pa le nih mipi sin ah cawnpiak nak an tuah lo ah a t’ha deuh lai.zeicahtiah cun Khamhnak kong nan kan cawn piak mi ruangah a hrin t’han mi hmanh nih khan thil t’halo tuah kha a sawm kho ti lo mi tampi an um cang.a ruang cu khamhnak a tlau kho loh tiah nan kan cawn piak mi kha fek tein i tleih in mi Nupi cung va bawh kha a poi ah a chia lo mi tampi an um.ka khamhnak a tlau lo ah cun zei dah a poi nak a um ti ah a mer mi tampi an um cang.
A Hrint’han taktak mi hna nih cun khamhnak cu a mah bak ah fian nak a neih awk a si ko.zumh nak ah kan Pa le hna nih online chungin khamhnak kong nan duh paoh in bia nan chim mi cu minung mithmuh hmanh ah zoh nan dawhlo i nan chim duhnak a thei thiam lo mi(thlarau)hrut a nei mi caah cun molh dih nak a si.Khamhnak a tlau kho ti le a tlau kho bak loh tiah a kan cawnpiaktu hna,nan mah tu hi,ven nan hau deu ko cang rua tiah ka ruah.Khamhnak kong cu mipi sin ah nan kan cawnpiak tuk awk a si lo.pumpak in a rak in leng i,Khamhnak kongah an haltu hna hmanh khi a zumhnak le a hrint’han ning a fek bak mi a si ko mah hi chim ning law a poi lai lo tiah na theih lo mi hna cu Khamhnak kong cawnpiak lo ah a t’ha deuh in ka hmuh ning a si.
Note: lungthiang tein kei mah le Thiang thlarau kan i pehtleihnak ah khamhnak ka fian ning le ka cohlan nih a si,kei mah lungchuak te ka t’ial mi a si.mi zei hmanh i ti hram nak le i thangchiatnak tuah duh ah ka t’ial mi a si lo.ka chim sualmi a um ah cun Jesuh min in ngaithiam kan hal cia hna.kei mah lungchuak bi a si caah Baibal chirhchan zei hmanh ka chialo,a ruang cu tihram ah nan ruah lo nak hnga.
